Ægifögur og heillandi borg sem státar af auðugri sögu en flestar aðrar borgir

Kolumbus ævintýraferðir bjóða nú í annað sinn spennandi lúxusferð til Istanbúl í Tyrklandi þar sem gist verður í fimm nætur á 5-stjörnu Swissotel The Bosphorus Istanbul. Öll herbergi með óviðjafnanlegu útsýni yfir Bosphorus sund (Sæviðarsund) sem skilur að Evrópu og Asíu.
Hér mætast Kristindómur og Íslam, fortíð og framtíð, Svartahaf og Miðjarðarhaf og samt er borgin svo nútímaleg og spennandi og ný ævintýri bíða við hvert götuhorn.

Við skoðum gamla borgarhlutann, Bláu moskuna, Topkapi höllina og Haremið, Hagía Sofía moskuna (Ægisif), Hippodrome og Basilica Cistern vatnsforðabúrin frá dögum Rómverja. Hér er sagan við hvert fótmál. Enginn kemur ósnortinn frá heimsókn í Grand Bazaar, einn elsta innimarkað í heimi með sínum rúmlega 60 strætum og yfir 4000 verslunum. Í miðborginni skoðum við Taksim torgið, Istiklal verslunargötuna, hinn fræga Galata turn og kíkjum á egypska markaðinn. Við siglum á snekkju á Bosphorus sundi í ljósaskiptunum og njótum andartaksins yfir góðum mat og gullnum veigum og tökum annað kvöld í óviðjafnanlega skemmtun og góðan mat á Nomads veitingastaðnum á Sofitel hótelinu í miðborginni. Nokkur ganga er í þessari ferð og því ekki hentug fólki sem á erfitt með gang.

Flogið er um Kaupmannahöfn á útleið og London í bakaleið í þægilegu dagflugi.

Sultan-Ahmet-Square–Istanbul
Spices-Market
Istiklal-street–Istanbul
Istanbul-Bosphorus
Candy-Shopp-Istanbul
Galata-Street–Istanbul
Galata-Tower–Istanbul
Grand-Bazaar–Istanbul-02
Grand-Bazaar–Istanbul
Istanbul-01
Istanbul-02
Istanbul-Bosphorus-02
Blue-Mosque–Istanbul
Basilica-Cistern–Istanbul

Swissotel The Bosphorus Istanbul 5*

Swiss-hotel-the-Bosphorus-04
Swiss-hotel-the-Bosphorus-Swimmingpool
Swiss-hotel-the-Bosphorus-Room-with-Bosphorus-view-01
Swiss-hotel-the-Bosphorus-Room-with-Bosphorus-view-04
Swiss-hotel-the-Bosphorus-Room-with-Bosphorus-view-02
Swiss-hotel-the-Bosphorus-Room-with-Bosphorus-view-03
Swiss-hotel-the-Bosphorus-03
Swiss-hotel-the-Bosphorus-Gabbro-Resto-Bar
Swiss-hotel-the-Bosphorus-Roof-Restaurant
Swiss-hotel-the-Bosphorus-Roof
Swiss-hotel-the-Bosphorus-Lobby
Swiss-hotel-the-Bosphorus-Executive-Lounge
Swiss-hotel-the-Bosphorus-02
Swiss-hotel-the-Bosphorus-01
Swiss-hotel-the-Bosphorus-Restaurant
Swiss-hotel-the-Bosphorus-Outdoor-Pool
Swiss-hotel-the-Bosphorus-Swimmingpool-02
Swiss-hotel-the-Bosphorus-Spa
Swiss-hotel-the-Bosphorus-Massage-Room

Ferðatilhögun

Brottför frá Íslandi

Flogið með Icelandair FI204 kl. 07:40 til Kaupmannahafnar og áfram með Turkish Airlines kl. 14:50. Lent í Istanbúl kl. 19:10. Tímamismunur +3 klst. Góðir veitingastaðir á hótelinu með miklu úrvali rétta.

Istanbúl

Eftir góðan morgunverð höldum við kl. 10:00 í skoðunarferð um gamla borgarhluta Istanbúl. Við heimsækjum Bláu moskuna, Hagía Sófía moskuna og Hippodrome. Eftir hádegisverð förum við í ógleymanlega  heimsókn í gömlu vatnsforðabúr Rómverja, Basilica Cistern.

Haldið heim á hótel um kl. 17:30 og kvöldið frjálst.

Istanbúl

Eftir morgunverð ökum við kl. 09:00 að Grand Bazaar, einum elsta og stórkostlegasta innimarkaði í heimi þar sem okkur gefst góður tími til að rölta um á eigin vegum, skoða og jafnvel versla.

Frá Grand Bazaar heimsækjum við vandaðan teppa- og leðurvöruframleiðanda þar sem við fáum innsýn í tyrkneskt handverk og gefst kostur á að versla vandaða vöru á sérkjörum.

Eftir hádegisverð göngum við saman yfir að Topkapi höllinni – skoðum þessa sögufrægu höll og Haremið ásamt öllum þeim stórkostlegu dýrgripum sem þarna eru til varðveislu og sýnis.

Komum heim á hótel kl. um 17:00. Við mætum aftur í gestamóttökuna kl. 18:30 og ökum að bátnum fyrir kvöldverðarsiglingu okkar þar sem við munum njóta góðs kvöldverðar og stórkostlegs útsýnis á Bosphorus sundi. Komið heim á hótel um kl. 23:00.

Istanbúl

Eftir morgunverð förum við kl. 10:30 í skoðunarferð um Taksim torgið, göngum hina frægu Istiklal götu þar sem verslanir og veitingastaðir standa í röðum, skoðum Galataturninn fræga og endum á egypska markaðnum. Komið heim á hótel kl. 17:00. Mæting kl. 19:00 í gestamóttöku og ekið að Nomads veitingastaðnum þar sem við ætlum að verja kvöldinu yfir góðun mat og vínum, endalausri skemmtun og frábærri tónlist. Skemmtun sem engan svíkur.

Frjáls dagur og kvöld

Heimferðardagur

Leggjum af stað frá hótelinu kl. 07:30. Flug Turkish Airlines til London Gatwick er kl. 10:45 og lending þar 12:50. Flug Icelandair til Keflavíkur er kl. 15:40 og lending þar kl. 17:55.

Fararstjóri, verð, greiðslur og innifalið

Goði Sveinsson er skipuleggjandi og fararstjóri í þessari ferð.
Hann starfaði að flug- og ferðaskrifstofurekstri í áratugi og er nú mættur aftur. Goði er mikill aðdáandi Istanbúl og Tyrklands.

Verð á mann: 449.000 kr.

Aukagjald fyrir eins manns herbergi er 105.000 kr.

Greiða þarf 100.000 kr. staðfestingargjald pr. farþega við bókun sem innheimt verður í heimabanka.

Eftirstöðvar verða innheimtar allt að 70 dögum fyrir brottför.

Að öðru leyti og um endurgreiðslur gilda ferðaskilmálar Niko Travel Group sem nálgast má á heimasíðu ferðaskrifstofunnar.

• Flug Icelandair og Turkish Airlines til Istanbúl – allir skattar og gjöld
• Gisting í 5 nætur á 5 stjörnu hóteli ásamt morgunverði
• Allar rútuferðir
• Sigling og kvöldverður (matur og allir drykkir)
• Kvöldskemmtun á Nomads (matur og allir drykkir)
• Aðgangseyrir að söfnum og sögufrægum byggingum
• Íslensk fararstjórn ásamt staðarleiðsögumanni á ensku

Ekki innifalið
• Þjórfé og aðrar máltíðir en getið er hér að ofan

Bóka

Skilaboð með pöntun geta t.d. verið óskir um séraðgengi, tegund herbergis (t.d. aðskilin rúm), spurningar til okkar varðandi ferðina. Hér er einnig góð hugmynd að taka það fram ef ferðast er með öðrum sem hafa bókað ef áhugi er fyrir því að vera með herbergi nálægt viðkomandi.

Þegar þú hefur staðfest bókun verður
stofnaður greiðsluseðill í heimabanka fyrir staðfestingargreiðslu.

Nánari upplýsingar

Allar nánari upplýsingar eru veittar í síma 499-2960 eða á netfanginu niko@niko.is. 

Uppselt er í þessa ferð. Hægt er að skrá sig á biðlista með því að hafa samband við okkur á niko@niko.is.

Uppselt – Biðlisti

Uppselt er í þessa ferð. Hægt er að skrá sig á biðlista með því að hafa samband við okkur á niko@niko.is.

 

Brottför

Dagar
Klst.
Mín.

Umsagnir viðskiptavina okkar

Við vinkonurnar fórum nú í lok ágúst, í Paradores ferð um Baskaland og Norður-Spán, með Kolumbus Ævintýraferðum og var þetta sannkölluð ævintýraferð og ferðaskrifstofunni til mikils sóma!! Farastjóri og skipuleggjandi ferðarinnar var Goði Sveinsson og á hann miklar þakkir skyldar fyrir frábært skipulag og einstakan fróðleik um svæðið, sem við þessi 40 manna samstillti ferðahópur urðum aðnjótandi!! Kærar þakkir frá okkur!! Við erum til í fleiri svona ferðir!!
Helga R.Höskuldsdóttir og Hjördís StefánsdóttirParadores-ferð um Norður-Spán og Baskaland
Helga R.Höskuldsdóttir og Hjördís Stefánsdóttir
Kæru ferðafélagar. Við Halli þökkum ykkur öllum fyrir samveruna í þessari dásamlegu ferð. Maturinn, gistingin, upplifunin, fararstjórnin hans Goða, skipulagið allt ofl.ofl. Við förum aftur á þessar slóðir til að upplifa enn meir. Óskum ykkur alls hins besta kæru ferðafélagar. Næsta ferð nálgast hjá okkur. Ísraelsferðin handan við hornið og auðvitað með Kolumbus.
Jenny og HalliParadores-ferð um Norður-Spán og Baskaland
Jenny og Halli
Paradores-ferðin til Baskalands í ágústlok var einstaklega vel skipulögð, um áhugaverðan hluta Spánar. Gististaðir voru tilkomumikil Paradores-hótel sem voru undantekningarlaust frábær, svo og matur og drykkir! Heimsóknir á víngarða mjög vel undirbúnar, skemmtilegar og fróðlegar. Auk Guggenheimsafnsins í Bilbao var Hotel Marqués de Riscal frábær kynning á meistara Frank Gehry! Allt þetta ásamt fleiru, ekki síst ljúfri og yfirvegaðri fararstjórn Goða, varð til þess að stemningin í hópnum varð skemmtileg og notaleg og vinabönd mynduðust.
Sigrún Benediktsdóttir og Gísli EinarssonParadores-ferð um Norður-Spán og Baskaland
Sigrún Benediktsdóttir og Gísli Einarsson
Ferðin til Argentínu og Brasilíu var eitt ævintýri frá upphafi til enda. Mikið ferðalag og mikil upplifun. Eva Peron og blóði drifin saga Argentínu. Patagonia með stærsta innanlandsjökul í heimi, Ushuaia syðsta borg í heimi, Iguazú fossarnir sem eru svo stórir og flottir að maður trúir ekki eigin augum, svo fátt eitt sé talið upp. Ferðin endaði í Rio de Janeiro með Sykurtoppinn, Kristsstyttuna og Copacabana ströndina sem má segja að hafi verið rúsínan í pylsuendanum. Allar tímasetningar stóðu eins og stafur á bók og farastjórnin var til fyrirmyndar. Hópurinn var mjög samstilltur og kynntist vel innbyrðis, reyndar svo vel að til stendur að endurtaka annað ferðalag á forvitnilegar slóðir. Við þökkum kærlega fyrir okkur.
Sigríður Þórhallsdóttir og Kristján Árnason, ReykjavíkArgentína og Brasilía 2023
Sigríður Þórhallsdóttir og Kristján Árnason, Reykjavík
Við hjónin fórum í ferð til Argentínu og Brasilíu með Kólumbus Ævintýraferðum í janúar 2023. Ferðaáætlunin var metnaðarfull með mörgum viðkomustöðum á áhugaverða staði þar sem Buenos Aires var fyrsti áfangastaðurinn í Argentínu. Þaðan var flogið suður á bóginn til El Calafate og síðan til syðstu borgar í Suður Ameríku sem heitir Ushuaia og er staðsett við Beagle sundið sem skilur að Suðurheimskautslandið og Suður-Ameríku. Þaðan var flogið aftur norður til Puerto Madryn og svo var ferðinni heitið til Puerto Iguazu til þess að upplifa hina stórfenglegu Iguazu fossa. Skoðunarferðir á hverjum áfangastað voru vel skipulagðar og staðirnir sem skoðaðir voru einstaklega áhugaverðir, allt frá áhugaverðum og fallegum borgum og bæjum til mörgæsa, sæljóna og einstakrar náttúru. Loks var ferðinni heitið til Rio de Janeiro á hina frægu Copacabana strönd þar sem Sykurfjallið og Kristsstyttan voru heimsótt. Ógleymanleg ferð í alla staði í skemmtilegum félagsskap með 25 öðrum íslendinum.
Jónas Reynisson, HafnarfirðiArgentína og Brasilía 2023
Jónas Reynisson, Hafnarfirði
Um mánaðarmótin janúar og febrúar 2023 ferðuðumst við með Kólumbus Ævintýrarferðum í tvær vikur um Argentínu og hluta Brasilíu undir traustri fararstjórn Friðriks Brekkans sem þekkir vel til í þessum löndum. Það var einstakt að kynnast stórbrotnu landslagi, sérstöku dýralífi, þjóðlífi og blómlegri menningu á þessum slóðum.
Elsa S. Þorkelsdóttir og Már Guðmundsson, ReykjavíkArgentína og Brasilía 2023
Elsa S. Þorkelsdóttir og Már Guðmundsson, Reykjavík
Að ferðast til endimarka heimsins, sigla á Beaglesundinu, heimsækja Iguazú fossana, sigla á Lago Argentino og njóta útsýnis yfir Perito Moreno jökulinn er stórkostleg upplifun. Að dvelja síðan í stórborgunum Buenos Aries og Rio de Janeiro og njóta alls sem þær hafa að bjóða er ævintýri líkast.
Ingibjörg Hauksdóttir, hjúkrunarfræðingur, GarðabæArgentína og Brasilía 2023
Ingibjörg Hauksdóttir, hjúkrunarfræðingur, Garðabæ
Í mínum huga var ferðin með Kólumbus Ævintýrarferðum til Suður Ameríku í janúar 2023 mjög skemmtileg. Mig hefur lengi langað að koma til S-Ameríku og heimsóknin til þessara landa stóðst fyllilega mínar væntingar. Skipulagning, fararstjórn, leiðsögumenn og staðarleiðsögumenn var allt til fyrirmyndar. Þeir staðir sem við heimsóttum voru vel valdir og að kynnast örlítið lifnaðarháttum þess fólks sem þarna býr fannst mér áhugavert. Fyrir mig persónulega var heimsókn til Ríó ferðarinnar virði. Þangað hef ég ætlað mér í áratugi en aldrei haft tækifæri fyrr en nú.
Pétur Óli Pétursson, framkv.stjóri, St. Pétursborg Argentína og Brasilía 2023
Pétur Óli Pétursson, framkv.stjóri, St. Pétursborg

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim. Niko Travel Group rekur vörumerkin Kolumbus – Ævintýraferðir, Kolumbus – Siglingar og Ferðaskrifstofu eldri borgara. Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita. 

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim.

Niko Travel Group rekur vörumerkin Kolumbus – Ævintýraferðir og Ferðaskrifstofu eldri borgara auk bókunarþjónustu fyrir Hótel Skt. Petri í Kaupmannahöfn.

Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita.