4. desember er flogið í beinu flugi með Icelandair kl. 08:00 og lent á FCO flugvellinum í Róm um kl. 14:00. Tímamismunur er 1 klst. Rúta bíður hópsins þar sem sr. Þóhallur tekur á móti ferðalöngum og ekur með þá í rútu á Hotel Morgana 4* þar sem dvalið verður í 5 nætur. Komið er síðdegis til innritunar a hótelið. Boðið verður uppá valkvæðan kvöldverð í göngufæri við hótelið með fararstjóra fyrir hópinn sem hægt er að skrá sig í við komu

5. desember eru fyrri skoðunarferðir af þremur í Vatíkanið. Sérstakar hámarksreglur gilda um stærð hópa og verður hópnum því skipt í þrennt og tekur skoðunaferðin 4-4,5 klst með rútuferðum fram og til baka.
Hópur 1: Morgunferð í Vatíkanið.
Hópur 2: Eftirmiðdagsferð í Vatíkanið.

Ferðin hefst í Vatíkansafninu þar sem við skoðum stórkostleg listaverk, forn og ný. Skoðunarferðinni í Vatíkansafninu lýkur í Sixtínsku kapellunni sem er skreytt hinum frægu málverkum Michelangelos.

Hópur 3 á frí þennan dag og getur skoðað sig um í borginni en sr. Þórhallur getur gefið góðar ábendingar um gönguleiðir, verslunargötur, veitingahús og áhugaverða staði að heimsækja.

6. desember er síðasta skoðunaferð af þremur í Vatíkanið.
Hópur 3: Morgunferð í Vatíkanið. Ferðin hefst í Vatíkansafninu þar sem við skoðum stórkostleg listaverk, forn og ný. Skoðunarferðinni í Vatíkansafninu lýkur í Sixtínsku kapellunni sem er skreytt hinum frægu málverkum Michelangelos. Heimilt að taka ljósmyndir án flashljósa.

Aðrir eiga frí þennan dag og geta skoðað sig um í borginni en sr. Þórhallur getur gefið góðar ábendingar um gönguleiðir, verslunargötur, veitingahús og áhugaverða staði að heimsækja.

7. desember verður verður haldið af stað í rútu kl. 8:00 í Colosseum og farið inn á þennan gamla leikvang Rómverja undir leiðsögn sr. Þórhalls Heimissonar. Athugið að nauðsynlegt er að hafa gild skilríki eða vegabréf meðferðis samkvæmt reglum um aðgengi að Colosseum. Frá Colosseum er síðan haldið á rómversku torgin. Ferðin tekur um 3 klst. Eftir rómversku torgin er hægt að ganga til baka áleiðis að miðbænum með sr. Þórhalli eða taka rútuna sem bíður hópsins.

8. desember er frídagur á Ítalíu. Fararstjóri fer með þá farþega sem vilja, á útiguðsþjónustu Fransiskusar páfa við Spænsku tröppurnar (The Spanish Steps). Um kvöldið verður snæddur sameiginlegur gómsætur jólakvöldverður að hætti Ítala á veitingastaðnum Verso Sera við Campo de’ Fiori torgið

9. desember er heimfarardagur. Lagt verður af stað með rútu á flugvöllinn um kl. 07:45 og komið þangað 1 klst. síðar. Innritun í flug Icelandair sem er áætlað kl. 11:40 og lendir í Keflavík kl. 15:35 að íslenskum tíma.  

Sr. Þórhallur Heimisson verður fararstjóri okkar. Hann er öllum hnútum kunnugur og hefur starfað sem leiðsögumaður allt frá árinu 2005.

Hildur Jónsdóttir svæðisstjóri Kolumbus á Ítalíu verður Þórhalli til aðstoðar.

Verð: 244.000 kr. á mann miðað við gistingu í tveggja manna herbergi.
Aukagjald fyrir gistingu í einstaklingsherbergi  er 44.000 kr.

Geiða þarf 50.000 kr. staðfestingargjald pr. farþega við bókun sem innheimt verður í heimabanka.

Eftirstöðvar verða innheimtar allt að 70 dögum fyrir brottför og þá er hægt að velja á milli greiðslu með peningum eða kreditkorti. 

• Flug Icelandair til Rómar 4. desember og til baka 9. desember – allir skattar og gjöld og 23 kg innrituð taska ásamt handfarangri. 
• Gisting í 5 nætur á Hotel Morgana 4* með morgunverði.
• Skoðunarferð í Vatíkanið og Péturskirkjuna 5. eða 6. desember.
• Skoðunarferð í Colosseum 7. desember.
• Aðventukvöldverður 8. desember með drykkjum.
• Íslensk fararstjórn og leiðsögn í öllum skoðunarferðum ásamt heyrnartólum.
• Allur rútuakstur frá flugvelli að hóteli og til baka og í allar skoðunarferðir skv. lýsingu.