Menning, matur og vín

Einkasigling Kolumbus Ævintýraferða á Douro ánni um Portúgal og til Spánar

Douro-04
Douro-Spirit-of-Chartwell-02
Douro-Spirit-of-Chartwell-05
Douro-Spirit-of-Chartwell-06
Douro-Spirit-of-Chartwell-03
VILA-NOVA-DE-GAIA-PORTUGAL
Salamanca-Cathedral
Douro-01
Castelo-Rodrigo-historical-village-in-Portugal
Douro-07
Taylors
Taylors-02
Douro-Valley-Portugal
Douro-03
Douro-02
Douro-Spirit-of-Chartwell-04

Í þessari ljúfu en spennandi ferð siglum við á skipinu MV Spirit of Chartwell frá Porto í Portúgal austur Douro dalinn að landamærum Spánar þar sem við heimsækjum hina fornfrægu borg Salamanca. Á leið okkar um Douro siglum við um mögnuð vínræktarsvæði en Douro dalurinn er komin á Heimsminjaskrá UNESCO sem eitt elsta skipulagða vínræktarsvæði heims. Við höfum það verulega huggulegt á þessari fallegu siglingarleið, heimsækjum sögustaði og víngerðarhús og kynnum okkur matargerð og aðra menningu heimamanna á stöðum s.s. Entre-os-Rios, Régua, Lamego, Castelo Rodrigo og Salamanca auk skoðunarferðar um Porto.

Spirit of Chartwell heitir eftir bústað Winston Churchill, Chartwell House, en skipið var gert upp árið 2012 í núverandi mynd vegna 60 ára krýningarafmælis Elísabetar II Bretadrottningar. Í tilefni þessara tímamóta sigldi drottningin og  konungsfjölskyldan á Spirit of Chartwell upp Thames ána en skipið er innréttað í stíl Orient Express járnbrautarinnar. Skipið tekur aðeins 28 farþega í 14 huggulegum káetum sem eru með aðskildum rúmum (Twin bed). Áhöfnin telur 12 manns.

Ferðatilhögun

Brottför frá Íslandi

Flogið verður frá Keflavík með flugfélaginu SWISS til Zurich þann 21. maí kl. 09:05 þar sem lent verður kl. 15:00 að staðartíma. Þaðan verður svo flogið áfram með sama flugfélagi til Porto kl.16:50 og lent þar kl. 18:30.

Eftir komu til Porto verður ekið að hótelinu okkar, Forte de Gaia í Vila Nova de Gaia sem stendur nálægt Gaia Pier við Douro.

Siglt til Entre-os-Rios

Eftir morgunverð er upplagt að taka sér göngutúr meðfram bryggjunni og taka brúna yfir í miðbæinn. Tilvalið að fá sér létta hádegishressingu á einhverjum hinum fjölmörgu veitingastöðum sem standa við ána. Um 14:30 göngum við með farangurinn okkar frá hótelinu yfir í MV Spirit of Chartwell sem liggur skammt undan og innritum okkur í skipið. Í framhaldi leysum við landfestar og siglum til Entre-os-Rios þar sem lagst verður við bryggju yfir nóttina.

Kvöldverður um borð og skemmtun með portúgölskum tónlistarmönnum.

Régua – Lamego

Eftir morgunverð um borð siglum við áfram til Púrtvínsbæjarins Régua. Hádegisverður um borð en síðan haldið í skoðunarferð með rútu til fallega bæjarins Lamego sem er þekktur fyrir Barok arkitektúr og oft nefndur menningarhöfuðborg Douro dalsins. Þar smökkum við ýmislegt spennandi.

Kvöldverður í landi í víngerðarhúsi skammt frá Régua.

Mateus höllin

Flest könnumst við sjálfsagt við rósavín frá Portúgal og ekki síst rósavínið frá Mateus sem á sjöunda áratugnum virtist vera eitt af aðal léttvínum til sölu hjá ÁTVR. Í dag ætlum við að skoða Mateus höllina og garðana fögru í kringum hana. Höllin eða Casa de Mateus og eins og hún er kölluð í dag er frá 18. öld er enn í eigu Greifans af Vila Real en Mateus sjóðurinn kom að rekstri hennar árið 1970 og tók að sér að reka og viðhalda þessum menningarverðmætum og jafnframt nýta þau undir ýmsa menningartengda starfsemi s.s. tónleika og sýningar.

Mateus er í eigu Sogrape fjölskyldunnar sem er stærsti vínframleiðandi Portúgals.

Salamanca

Eftir morgunverð er ekið til spænsku borgarinnar Salamanca. Þessi fallega háskólaborg sem er á Heimsminjaskrá UNESCO á ríka sögu, glæsilegar byggingar og hér var fyrsti háskóli Spánar stofnaður árið 1218. Sagt er að Salamanca sé ákjósanlegasta borg Spánar ef þú ætlar að læra fullkomna spænsku, en hér varð spænska málfræðin til.

Við snæðum við hádegisverð og horfum á glæsilega Flamenco danssýningu.

Kvöldverður um borð í Spirit of Chartwell með portúgölsku þema.

Castelo Rodrigo

Nú er ferðinni heitið til Castelo Rodrigo, lítils þorps með mikla sögu þar sem Kristnir, Múslimar og Gyðingar lifðu um aldir í sátt og samlyndi. Grunnurinn Að Castelo Rodrigo var lagður af Rómverjum er þeir byggðu hér virki, en þorpið stendur í 670m hæð yfir sjávarmáli. Castelo Rodrigo og svæðið í kring byggir afkomu sína á landbúnaði s.s. kornrækt, ólífum, nautgriparækt og granítnámum. Síðan er það að sjálfsögðu vínið sem hefur verið framleitt hér síðan á 12. öld.

Við ætlum að skoða þorpið, upplifa söguna og smakka eitthvað spennandi.

Entre-os-Rios

Morguverður og siglt frá Régua til Entre-os-Rios.

Heimsókn og hádegisverður í landi. Siglum síðdegis frá Entre-os-Rios til Porto (Vila Nova de Gaia) og njótum samverunnar á efra dekkinu á þessari fallegu siglingarleið.

Kvöldverður um borð.

Heimferðardagur

Eftir morgunverð förum við í skoðunarferð um Porto.

Hádegisverður um borð og síðan frjáls tími.

Síðdegis verður svo ekið með rútu til Lissabon (um 3 klst. ferðalag) og flogið þaðan beint til Keflavíkur með Icelandair kl. 22.20 og lent kl. 01:50, aðfararnótt 29. maí.

Fararstjórn, verð, greiðslur, innifalið og bóka ferð

Goði Sveinsson er skipuleggjandi og fararstjóri þessarar ferðar. Hann hefur langa reynslu af ferðaþjónustu eftir starf sitt m.a. sem sölu- og markaðsstjóri Úrval/Útsýn og fleiri ferðaskrifstofa um langt árabil.

Auk Goða verður enskumælandi staðarleiðsögumaður.

Verð á mann: 589.000 kr. Einungis er boðið uppá gistingu í tvíbýli.

Geiða þarf 100.000 kr. staðfestingargjald pr. farþega við bókun sem innheimt verður í heimabanka.

Eftirstöðvar verða innheimtar allt að 70 dögum fyrir brottför og þá er hægt að velja á milli greiðslu með greiðslu í gegnum heimabanka eða kreditkorti. 

Að öðru leyti og um endurgreiðslur gilda ferðaskilmálar Niko travel group sem nálgast má á heimasíðu ferðaskrifstofunnar.

• Flug og flugvallaskattar ásamt 20 kg tösku
• Ferðir til og frá flugvelli í Porto
• Ein nótt á hóteli í Porto
• Sigling með gistingu í 6 nætur
• Allar skoðunarferðir og aðgangur að söfnum skv. ferðalýsingu
• 7 morgunverðir, 6 hádegisverðir og 6 kvöldverðir
• Drykkir með hádegis- og kvöldverðum
• Íslensk fararstjórn og staðarleiðsögumaður

Ekki Innifalið
• Þjórfé
• Aðrar skoðunarferðir en tilgreindar í ferðalýsingu
• Sérvalin vín og drykkir aðrir en með máltíðum

Spirit of Chartwell

Douro dalurinn

Brottför

Dagar
Klst.
Mín.

Umsagnir viðskiptavina okkar

Við vinkonurnar fórum nú í lok ágúst, í Paradores ferð um Baskaland og Norður-Spán, með Kolumbus Ævintýraferðum og var þetta sannkölluð ævintýraferð og ferðaskrifstofunni til mikils sóma!! Farastjóri og skipuleggjandi ferðarinnar var Goði Sveinsson og á hann miklar þakkir skyldar fyrir frábært skipulag og einstakan fróðleik um svæðið, sem við þessi 40 manna samstillti ferðahópur urðum aðnjótandi!! Kærar þakkir frá okkur!! Við erum til í fleiri svona ferðir!!
Helga R.Höskuldsdóttir og Hjördís StefánsdóttirParadores-ferð um Norður-Spán og Baskaland
Helga R.Höskuldsdóttir og Hjördís Stefánsdóttir
Kæru ferðafélagar. Við Halli þökkum ykkur öllum fyrir samveruna í þessari dásamlegu ferð. Maturinn, gistingin, upplifunin, fararstjórnin hans Goða, skipulagið allt ofl.ofl. Við förum aftur á þessar slóðir til að upplifa enn meir. Óskum ykkur alls hins besta kæru ferðafélagar. Næsta ferð nálgast hjá okkur. Ísraelsferðin handan við hornið og auðvitað með Kolumbus.
Jenny og HalliParadores-ferð um Norður-Spán og Baskaland
Jenny og Halli
Paradores-ferðin til Baskalands í ágústlok var einstaklega vel skipulögð, um áhugaverðan hluta Spánar. Gististaðir voru tilkomumikil Paradores-hótel sem voru undantekningarlaust frábær, svo og matur og drykkir! Heimsóknir á víngarða mjög vel undirbúnar, skemmtilegar og fróðlegar. Auk Guggenheimsafnsins í Bilbao var Hotel Marqués de Riscal frábær kynning á meistara Frank Gehry! Allt þetta ásamt fleiru, ekki síst ljúfri og yfirvegaðri fararstjórn Goða, varð til þess að stemningin í hópnum varð skemmtileg og notaleg og vinabönd mynduðust.
Sigrún Benediktsdóttir og Gísli EinarssonParadores-ferð um Norður-Spán og Baskaland
Sigrún Benediktsdóttir og Gísli Einarsson
Ferðin til Argentínu og Brasilíu var eitt ævintýri frá upphafi til enda. Mikið ferðalag og mikil upplifun. Eva Peron og blóði drifin saga Argentínu. Patagonia með stærsta innanlandsjökul í heimi, Ushuaia syðsta borg í heimi, Iguazú fossarnir sem eru svo stórir og flottir að maður trúir ekki eigin augum, svo fátt eitt sé talið upp. Ferðin endaði í Rio de Janeiro með Sykurtoppinn, Kristsstyttuna og Copacabana ströndina sem má segja að hafi verið rúsínan í pylsuendanum. Allar tímasetningar stóðu eins og stafur á bók og farastjórnin var til fyrirmyndar. Hópurinn var mjög samstilltur og kynntist vel innbyrðis, reyndar svo vel að til stendur að endurtaka annað ferðalag á forvitnilegar slóðir. Við þökkum kærlega fyrir okkur.
Sigríður Þórhallsdóttir og Kristján Árnason, ReykjavíkArgentína og Brasilía
Sigríður Þórhallsdóttir og Kristján Árnason, Reykjavík
Við hjónin fórum í ferð til Argentínu og Brasilíu með Kólumbus – Ævintýraferðum. Ferðaáætlunin var metnaðarfull með mörgum viðkomustöðum á áhugaverða staði þar sem Buenos Aires var fyrsti áfangastaðurinn í Argentínu. Þaðan var flogið suður á bóginn til El Calafate og síðan til syðstu borgar í Suður Ameríku sem heitir Ushuaia og er staðsett við Beagle sundið sem skilur að Suðurheimskautslandið og Suður-Ameríku. Þaðan var flogið aftur norður til Puerto Madryn og svo var ferðinni heitið til Puerto Iguazu til þess að upplifa hina stórfenglegu Iguazu fossa. Skoðunarferðir á hverjum áfangastað voru vel skipulagðar og staðirnir sem skoðaðir voru einstaklega áhugaverðir, allt frá áhugaverðum og fallegum borgum og bæjum til mörgæsa, sæljóna og einstakrar náttúru. Loks var ferðinni heitið til Rio de Janeiro á hina frægu Copacabana strönd þar sem Sykurfjallið og Kristsstyttan voru heimsótt. Ógleymanleg ferð í alla staði í skemmtilegum félagsskap með 25 öðrum íslendinum.
Jónas Reynisson, HafnarfirðiArgentína og Brasilía
Jónas Reynisson, Hafnarfirði
Við ferðuðumst við með Kólumbus – Ævintýrarferðum í tvær vikur um Argentínu og hluta Brasilíu undir traustri fararstjórn Friðriks Brekkans sem þekkir vel til í þessum löndum. Það var einstakt að kynnast stórbrotnu landslagi, sérstöku dýralífi, þjóðlífi og blómlegri menningu á þessum slóðum.
Elsa S. Þorkelsdóttir og Már Guðmundsson, ReykjavíkArgentína og Brasilía
Elsa S. Þorkelsdóttir og Már Guðmundsson, Reykjavík
Að ferðast til endimarka heimsins, sigla á Beaglesundinu, heimsækja Iguazú fossana, sigla á Lago Argentino og njóta útsýnis yfir Perito Moreno jökulinn er stórkostleg upplifun. Að dvelja síðan í stórborgunum Buenos Aries og Rio de Janeiro og njóta alls sem þær hafa að bjóða er ævintýri líkast.
Ingibjörg Hauksdóttir, hjúkrunarfræðingur, GarðabæArgentína og Brasilía
Ingibjörg Hauksdóttir, hjúkrunarfræðingur, Garðabæ
Í mínum huga var ferðin með Kólumbus Ævintýrarferðum til Suður Ameríku í janúar mjög skemmtileg. Mig hefur lengi langað að koma til S-Ameríku og heimsóknin til þessara landa stóðst fyllilega mínar væntingar. Skipulagning, fararstjórn, leiðsögumenn og staðarleiðsögumenn var allt til fyrirmyndar. Þeir staðir sem við heimsóttum voru vel valdir og að kynnast örlítið lifnaðarháttum þess fólks sem þarna býr fannst mér áhugavert. Fyrir mig persónulega var heimsókn til Ríó ferðarinnar virði. Þangað hef ég ætlað mér í áratugi en aldrei haft tækifæri fyrr en nú.
Pétur Óli Pétursson, framkv.stjóri, St. Pétursborg Argentína og Brasilía
Pétur Óli Pétursson, framkv.stjóri, St. Pétursborg
Frábær ferð. Skipulag allt til fyrirmyndar. Borgin sjálf var einhvern veginn miklu meira en ég gerði mér grein fyrir fyrir fram. Leiðsögn Þórhalls átti svo aukinn þátt í upplifuninni af borginni og þeim sögustöðum sem voru heimsóttir. Hæfileg blanda skipulagðs tíma og frjáls tíma.
Ingólfur Ásgeir JóhannessonSöguferð til Rómar
Hæfileg blanda skipulags og frjáls tíma. Góð og fræðandi leiðsögn um sögu staði borgarinnar.
Ragnheiður AxelsdóttirSöguferð til Rómar
Frábært skipulag, frábær og örugg fararstjórn Inga Þórs. Víetnamskir fararstjórar fræðandi og gáfu mjög góða lýsingu á landi og þjóð. Sannkölluð ævintýraferð og frábær hópur. Kærar þakkir fyrir mig.
Marinó Björgvin BjörnssonVíetnam í mars
Stórkostleg,mikil upplifun, frábær fararstjórn,góð hótel, allt stóð eins og stafur á bók. Takk fyrir okkur.
Kristinn SigurðssonJapan í mars
Ógleymaleg ferð og allt stóðst væntingar. Svo sannarlega hægt að mæla með 🥰
Sigríður GunnarsdóttirArgentína, Brasilía og Chile
Öll ferðin var eitt stórkostlegt ævintýri. Annars um fólkið og ferðina: Við höfnum hér tauti og tuði og taumlausu ekkisins suði. Við étum og étum eins og við getum og erum í krónísku stuði.
Ragnar Heiðar ÓskarssonVíetnam í mars
Einstök upplifun, og mögnuð ferð, með einstaklega fróðum fararstjóra.
Henný GestsdóttirArgentína, Brasilía og Chile
Við hjónin fórum í Duoro siglingu með Kolumbus ævintýraferðum í maímánuði 2025. Skemmst er frá að segja að ferðin var í alla staði stórkostleg og fór fram úr okkar væntingum sem þó voru miklar. Skipið okkar var einstaklega „vinalegt“ og allt viðmót áhafnar til fyrirmyndar. Það var ljúft að líða áfram á Duoro ánni og virða fyrir sér fagurt landslag. Einnig voru þær skoðunarferðir sem boðið var upp á bæði fróðlegar og skemmtilegar. Öll skipulagning ferðarinnar og framkvæmd var til fyrirmyndar og allt stóð eins og stafur á bók. Ég mun hiklaust mæla með þessari ferð við hvern þann sem vill njóta þess að ferðast á þægilegan máta, í góðu veðri á förgum stað og drekka góð vín.
AlexanderPortúgal – Sigling á Douro

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim. Niko Travel Group rekur vörumerkin Kolumbus – Ævintýraferðir, Kolumbus – Siglingar og Ferðaskrifstofu eldri borgara. Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita. 

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim.

Niko Travel Group rekur vörumerkin Kolumbus – Ævintýraferðir og Ferðaskrifstofu eldri borgara auk bókunarþjónustu fyrir Hótel Skt. Petri í Kaupmannahöfn.

Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita.