Við vinkonurnar fórum nú í lok ágúst, í Paradores ferð um Baskaland og Norður-Spán, með Kolumbus Ævintýraferðum og var þetta sannkölluð ævintýraferð og ferðaskrifstofunni til mikils sóma!! Farastjóri og skipuleggjandi ferðarinnar var Goði Sveinsson og á hann miklar þakkir skyldar fyrir frábært skipulag og einstakan fróðleik um svæðið, sem við þessi 40 manna samstillti ferðahópur urðum aðnjótandi!! Kærar þakkir frá okkur!! Við erum til í fleiri svona ferðir!!

Kæru ferðafélagar. Við Halli þökkum ykkur öllum fyrir samveruna í þessari dásamlegu ferð. Maturinn, gistingin, upplifunin, fararstjórnin hans Goða, skipulagið allt ofl.ofl. Við förum aftur á þessar slóðir til að upplifa enn meir. Óskum ykkur alls hins besta kæru ferðafélagar. Næsta ferð nálgast hjá okkur. Ísraelsferðin handan við hornið og auðvitað með Kolumbus.

Paradores-ferðin til Baskalands í ágústlok var einstaklega vel skipulögð, um áhugaverðan hluta Spánar. Gististaðir voru tilkomumikil Paradores-hótel sem voru undantekningarlaust frábær, svo og matur og drykkir! Heimsóknir á víngarða mjög vel undirbúnar, skemmtilegar og fróðlegar. Auk Guggenheimsafnsins í Bilbao var Hotel Marqués de Riscal frábær kynning á meistara Frank Gehry! Allt þetta ásamt fleiru, ekki síst ljúfri og yfirvegaðri fararstjórn Goða, varð til þess að stemningin í hópnum varð skemmtileg og notaleg og vinabönd mynduðust.

Ferðin til Argentínu og Brasilíu var eitt ævintýri frá upphafi til enda. Mikið ferðalag og mikil upplifun. Eva Peron og blóði drifin saga Argentínu. Patagonia með stærsta innanlandsjökul í heimi, Ushuaia syðsta borg í heimi, Iguazú fossarnir sem eru svo stórir og flottir að maður trúir ekki eigin augum, svo fátt eitt sé talið upp. Ferðin endaði í Rio de Janeiro með Sykurtoppinn, Kristsstyttuna og Copacabana ströndina sem má segja að hafi verið rúsínan í pylsuendanum. Allar tímasetningar stóðu eins og stafur á bók og farastjórnin var til fyrirmyndar. Hópurinn var mjög samstilltur og kynntist vel innbyrðis, reyndar svo vel að til stendur að endurtaka annað ferðalag á forvitnilegar slóðir. Við þökkum kærlega fyrir okkur.

Við hjónin fórum í ferð til Argentínu og Brasilíu með Kólumbus – Ævintýraferðum. Ferðaáætlunin var metnaðarfull með mörgum viðkomustöðum á áhugaverða staði þar sem Buenos Aires var fyrsti áfangastaðurinn í Argentínu. Þaðan var flogið suður á bóginn til El Calafate og síðan til syðstu borgar í Suður Ameríku sem heitir Ushuaia og er staðsett við Beagle sundið sem skilur að Suðurheimskautslandið og Suður-Ameríku. Þaðan var flogið aftur norður til Puerto Madryn og svo var ferðinni heitið til Puerto Iguazu til þess að upplifa hina stórfenglegu Iguazu fossa. Skoðunarferðir á hverjum áfangastað voru vel skipulagðar og staðirnir sem skoðaðir voru einstaklega áhugaverðir, allt frá áhugaverðum og fallegum borgum og bæjum til mörgæsa, sæljóna og einstakrar náttúru. Loks var ferðinni heitið til Rio de Janeiro á hina frægu Copacabana strönd þar sem Sykurfjallið og Kristsstyttan voru heimsótt. Ógleymanleg ferð í alla staði í skemmtilegum félagsskap með 25 öðrum íslendinum.

Við ferðuðumst við með Kólumbus – Ævintýrarferðum í tvær vikur um Argentínu og hluta Brasilíu undir traustri fararstjórn Friðriks Brekkans sem þekkir vel til í þessum löndum. Það var einstakt að kynnast stórbrotnu landslagi, sérstöku dýralífi, þjóðlífi og blómlegri menningu á þessum slóðum.

Að ferðast til endimarka heimsins, sigla á Beaglesundinu, heimsækja Iguazú fossana, sigla á Lago Argentino og njóta útsýnis yfir Perito Moreno jökulinn er stórkostleg upplifun. Að dvelja síðan í stórborgunum Buenos Aries og Rio de Janeiro og njóta alls sem þær hafa að bjóða er ævintýri líkast.

Í mínum huga var ferðin með Kólumbus Ævintýrarferðum til Suður Ameríku í janúar mjög skemmtileg. Mig hefur lengi langað að koma til S-Ameríku og heimsóknin til þessara landa stóðst fyllilega mínar væntingar. Skipulagning, fararstjórn, leiðsögumenn og staðarleiðsögumenn var allt til fyrirmyndar. Þeir staðir sem við heimsóttum voru vel valdir og að kynnast örlítið lifnaðarháttum þess fólks sem þarna býr fannst mér áhugavert. Fyrir mig persónulega var heimsókn til Ríó ferðarinnar virði. Þangað hef ég ætlað mér í áratugi en aldrei haft tækifæri fyrr en nú.

Frábær ferð. Skipulag allt til fyrirmyndar. Borgin sjálf var einhvern veginn miklu meira en ég gerði mér grein fyrir fyrir fram. Leiðsögn Þórhalls átti svo aukinn þátt í upplifuninni af borginni og þeim sögustöðum sem voru heimsóttir. Hæfileg blanda skipulagðs tíma og frjáls tíma.

Hæfileg blanda skipulags og frjáls tíma. Góð og fræðandi leiðsögn um sögu staði borgarinnar.

Frábært skipulag, frábær og örugg fararstjórn Inga Þórs. Víetnamskir fararstjórar fræðandi og gáfu mjög góða lýsingu á landi og þjóð. Sannkölluð ævintýraferð og frábær hópur. Kærar þakkir fyrir mig.

Stórkostleg,mikil upplifun, frábær fararstjórn,góð hótel, allt stóð eins og stafur á bók. Takk fyrir okkur.

Ógleymaleg ferð og allt stóðst væntingar. Svo sannarlega hægt að mæla með 🥰

Öll ferðin var eitt stórkostlegt ævintýri. Annars um fólkið og ferðina: Við höfnum hér tauti og tuði og taumlausu ekkisins suði. Við étum og étum eins og við getum og erum í krónísku stuði.

Einstök upplifun, og mögnuð ferð, með einstaklega fróðum fararstjóra.

Við hjónin fórum í Duoro siglingu með Kolumbus ævintýraferðum í maímánuði 2025. Skemmst er frá að segja að ferðin var í alla staði stórkostleg og fór fram úr okkar væntingum sem þó voru miklar. Skipið okkar var einstaklega „vinalegt“ og allt viðmót áhafnar til fyrirmyndar. Það var ljúft að líða áfram á Duoro ánni og virða fyrir sér fagurt landslag. Einnig voru þær skoðunarferðir sem boðið var upp á bæði fróðlegar og skemmtilegar. Öll skipulagning ferðarinnar og framkvæmd var til fyrirmyndar og allt stóð eins og stafur á bók. Ég mun hiklaust mæla með þessari ferð við hvern þann sem vill njóta þess að ferðast á þægilegan máta, í góðu veðri á förgum stað og drekka góð vín.