Róm er án efa ein fegursta borg í Evrópu sem hefur að geyma áhrifamikla sögu Rómverja í árþúsund.

Spænsku tröppurnar
The-Trevi-Fountain-in-Rome
Colosseum-in-Rome
Vatíkanið
View,On,Colosseum,In,Rome,,Italy
Rome-Field-of-Flowers
Wonderful,View,Of,Rome,At,Sunset,Time,With,St,Peter
Trevi,Fountain,In,Rome,,Italy
Piazza-Navona-in-Rome
Hotel Morgana
Hotel Morgana – Lounge
Hotel Morgana – Deluxe Room
Hotel Morgana – Comfort Room
Hotel-Morgana-4-Executive
Péturskirkjan
Fossinn í Róm
Vatican 4
Vatican 2

Róm er án efa ein fegursta borg í Evrópu og hefur að geyma áhrifamikla sögu sem spannar árþúsundir. Enda er hún kölluð „Borgin eilífa“. Róm hrífur ferðamenn og margir koma þangað aftur og aftur því aldrei verður hægt að skoða nóg í þessari stórfenglegu borg.

Kolumbus ævintýraferðir bjóða upp á einstaka söguferð með Þórhalli Heimissyni sem er öllum hnútum kunnugur í borginni og hefur starfað þar sem leiðsögumaður allt frá árinu 2005. Í ferðinni fá farþegar að fræðast um sögu Rómverja á öldum áður og allt til nútímans og njóta sérstakrar leiðsagnar um merkustu byggingar borgarinnar, sjálfa Péturskirkjuna, Vatikansafnið og Kólóseum, hringleikahúsið fræga, sem á sér engan líka í þessum heimi.

Gist er á Hótel Morgana 4* í miðborginni, nálægt Kólóseum þar sem er mikið mannlíf og fjöldi veitingastaða. Boðið er upp á gönguferðir með leiðsögumanni um Gyðingahverfið og heimsóknir á frábær ítölsk veitingahús að kvöldi til þar sem stemmningin er einstök.

Farþegar þurfa að vera vel göngufærir. Reglur í Vatíkani og Péturskirkju heimila því miður ekki notkun göngustafa eða göngugrinda. Þá eru miklar tröppur í Kólóseum.

Ferðatilhögun

Brottför frá Íslandi

Flogið í beinu flugi með Icelandair FI 930 kl. 08:20 og lent á FCO flugvellinum í Róm um kl. 14:00. Tímamismunur er 1 klst. Þórhallur tekur á móti hópnum og ekið verður með rútu á Hotel Morgana 4* þar sem dvalið verður í 5 nætur. Komið er síðdegis til innritunar á hótelið.

Að lokinni innritun og stuttri hvíld verður gengið að hinni stórbrotnu Santa Maria Maggiore, einni af fjórum páfakirkjum Rómar. Þórhallur segir frá sögu kirkjunnar, mikilvægi hennar í sögu kristninnar og þeim undrum og atburðum sem tengjast þessum einstaka helgistað. Heimsóknin er kærkomið tækifæri til að hefja ferðina á því að kynnast einum merkasta trúar- og menningararfi Rómar.  Að heimsókn lokinni verður gengið saman á notalegan veitingastað í nágrenni hótelsins þar sem hópurinn kemur saman yfir góðum kvöldverði og fær tækifæri til að kynnast betur. Boðið verður upp á þriggja rétta máltíð með víni, sem er innifalin í verði ferðarinnar.

Skoðunarferðir í Vatíkanið

Sérstakar hámarksreglur gilda um stærð hópa og verður hópnum því tvennt og tekur skoðunarferðin 4-4,5 klst. með keyrslu fram og til baka.
Hópur 1: Morgunferð í Vatíkanið.
Hópur 2: Eftirmiðdagsferð í Vatíkanið.

Farið er með skutlum (minivan) að Vatíkan safninu þar sem skoðunarferðin hefst. Við skoðum stórkostleg listaverk, forn og ný. Skoðunarferðinni um Vatíkan safnið lýkur í Sixtínsku kapellunni sem er skreytt hinum frægu málverkum Michelangelos. Hópurinn hefur síðan forgangsaðgang beint frá Sixtínsku kapellunni yfir í Péturskirkjuna, þar sem þátttakendur fá tækifæri til að skoða með leiðsögn eina stærstu og áhrifamestu kirkju sögunnar. Farið er með skutlum (minivan) til baka á hótelið. 

Til upplýsinga viljum við taka fram að við skiptingu í ferðir verður alfarið raðað niður af handahófi frá söluaðila við miðakaup. Tryggt er að fólk sem bókað er saman í bókun sé í sama hópi. Ekki er mögulegt að breyta hópaskiptingum eftir á eða færa sig á milli hópa þar sem allir miðar eru nafngreindir á hvern gest eins og reglur gera ráð fyrir.

Kólóseum

Gengið er frá Hótel Morgana að Kólóseum ásamt Þórhalli og erlenda leiðsögumanninum en gangan tekur aðeins 15-20 mín. Farið verður inná þennan gamla leikvang Rómverja og síðan er haldið á rómversku torgin í framhaldinu. Ferðin tekur um 3 klst.

Sérstakar hámarksreglur gilda um stærð hópa í Kólóseum og til að gera upplifun gesta sem besta verður hópnum skipt upp í tvær ferðir:

Hópur A: Morgunferð í Kólóseum undir leiðsögn Þórhalls Heimissonar.

Hópur B: Eftirmiðdagsferð í Kólóseum undir leiðsögn Þórhalls Heimissonar.

Eftir rómversku torgin er hægt að ganga til baka áleiðis að miðbænum eða upp á hótel. Kvöldið er frjálst.

Athugið að nauðsynlegt er að hafa gild skilríki eða vegabréf meðferðis samkvæmt reglum um aðgengi að Kólóseum.

Til upplýsinga viljum við taka fram að við skiptingu í ferðir verður alfarið raðað niður af handahófi frá söluaðila við miðakaup. Tryggt er að fólk sem bókað er saman í bókun sé í sama hópi. Ekki er mögulegt að breyta hópaskiptingum eftir á eða færa sig á milli hópa þar sem allir miðar eru nafngreindir á hvern gest eins og reglur gera ráð fyrir.

Frjáls dagur í Róm

Engin skipulögð dagskrá er þennan dag og því hafa ferðalangar frjálsar hendur til að njóta Rómar á eigin vegum. Tilvalið er að rölta um heillandi götur miðborgarinnar, skoða falleg torg og sögufrægar byggingar, kíkja í verslanir eða setjast niður á notalegu kaffihúsi og njóta ítalskrar kaffimenningar. Borgin býður upp á ótal möguleika og fátt er skemmtilegra en að upplifa mannlífið, villast um þröngar göturnar og uppgötva litlar perlur sem leynast víða í borginni.

Frjáls dagur í Róm

Engin skipulögð dagskrá er þennan dag og því tilvalið að njóta Rómar á eigin vegum, rölta um miðborgina, kíkja í verslanir eða setjast niður á notalegum veitingastað.

Seinni part dags býður Þórhallur gestum með sér í fróðlega gönguferð um gyðingahverfið í Róm, þar sem hann segir frá sögu og leyndardómum þessa heillandi borgarhluta, sem margir ferðamenn láta fram hjá sér fara.

Gönguferðinni lýkur með sameiginlegum kvöldverði við Campo de’ Fiori-torgið í hjarta Rómar. Kvöldverðurinn er valfrjáls og greiðist sérstaklega. Skráning fer fram á komudegi til Rómar.

Dásamleg leið til að ljúka ferðinni í góðum félagsskap yfir ljúffengum ítölskum mat!

Heimfarardagur

Lagt verður af stað með rútu á flugvöllinn kl. 07:45 og komið þangað 1 klst. síðar. Innritun í flug Icelandair FI 931 sem er áætlað kl. 11:25 og lendir í Keflavík kl. 15:30 að íslenskum tíma.

Fararstjórn, verð, greiðslur, innifalið og bóka ferð

Þórhallur Heimisson verður fararstjóri okkar. Hann er öllum hnútum kunnugur og hefur starfað sem leiðsögumaður allt frá árinu 2005.

Hildur Jónsdóttir svæðisstjóri Kolumbus á Ítalíu verður Þórhalli til aðstoðar. 

Verð: 295.000 kr. á mann miðað við gistingu í tveggja manna herbergi.
Aukagjald fyrir gistingu í einstaklingsherbergi er 59.000 kr.

Greiða þarf 50.000 kr. staðfestingargjald pr. farþega við bókun sem innheimt verður í heimabanka.

Eftirstöðvar verða innheimtar 70 dögum fyrir brottför.

Að öðru leyti og um endurgreiðslur gilda ferðaskilmálar Niko travel group sem nálgast má á heimasíðu ferðaskrifstofunnar.

• Flug Icelandair til Rómar fram og til baka – 23 kg taska, allir skattar og gjöld.
• Gisting í 5 nætur á Hotel Morgana 4* með morgunverði.
• Gistináttagjald, €15 pr. nótt.
• Skoðunarferð í Vatíkanið og forgangsaðgangur í Péturskirkjuna með skutlum (minivan) til og frá hóteli.
• Skoðunarferð í Kólóseum.
• Kvöldverður á komudegi.
• Íslensk fararstjórn og leiðsögn í öllum skoðunarferðum ásamt heyrnartólum.
• Rútuakstur frá flugvelli að hóteli og til baka.
• Bagbee þjónusta fyrir alla sem gista á höfuðborgarsvæðinu eða í Reykjanesbæ nóttina fyrir brottför. Boðið er uppá að innrita farþega og sækja farangur þeirra degi fyrir brottför, þannig að hægt er að ganga beint að öryggishliði í Leifsstöð á brottfarardegi.
• Aðgangur að hraðhliði (Fast track) í Leifsstöð (líkt og gildir fyrir Saga Class farþega).

Hotel Morgana ★★★★
Hotel Morgana
Hotel Morgana – Lounge
Hotel Morgana
Hotel Morgana
Hotel Morgana – Comfort Room
Hotel Morgana – Comfort Room
Hotel Morgana – Deluxe Room

Brottför

Dagar
Klst.
Mín.

Umsagnir viðskiptavina okkar

Við vinkonurnar fórum nú í lok ágúst, í Paradores ferð um Baskaland og Norður-Spán, með Kolumbus ævintýraferðum og var þetta sannkölluð ævintýraferð og ferðaskrifstofunni til mikils sóma!! Farastjóri og skipuleggjandi ferðarinnar var Goði Sveinsson og á hann miklar þakkir skyldar fyrir frábært skipulag og einstakan fróðleik um svæðið, sem við þessi 40 manna samstillti ferðahópur urðum aðnjótandi!! Kærar þakkir frá okkur!! Við erum til í fleiri svona ferðir!!
Helga R.Höskuldsdóttir og Hjördís StefánsdóttirParadores-ferð um Norður-Spán og Baskaland
Helga R.Höskuldsdóttir og Hjördís Stefánsdóttir
Kæru ferðafélagar. Við Halli þökkum ykkur öllum fyrir samveruna í þessari dásamlegu ferð. Maturinn, gistingin, upplifunin, fararstjórnin hans Goða, skipulagið allt ofl.ofl. Við förum aftur á þessar slóðir til að upplifa enn meir. Óskum ykkur alls hins besta kæru ferðafélagar. Næsta ferð nálgast hjá okkur. Ísraelsferðin handan við hornið og auðvitað með Kolumbus.
Jenny og HalliParadores-ferð um Norður-Spán og Baskaland
Jenny og Halli
Paradores-ferðin til Baskalands í ágústlok var einstaklega vel skipulögð, um áhugaverðan hluta Spánar. Gististaðir voru tilkomumikil Paradores-hótel sem voru undantekningarlaust frábær, svo og matur og drykkir! Heimsóknir á víngarða mjög vel undirbúnar, skemmtilegar og fróðlegar. Auk Guggenheimsafnsins í Bilbao var Hotel Marqués de Riscal frábær kynning á meistara Frank Gehry! Allt þetta ásamt fleiru, ekki síst ljúfri og yfirvegaðri fararstjórn Goða, varð til þess að stemningin í hópnum varð skemmtileg og notaleg og vinabönd mynduðust.
Sigrún Benediktsdóttir og Gísli EinarssonParadores-ferð um Norður-Spán og Baskaland
Sigrún Benediktsdóttir og Gísli Einarsson
Ferðin til Argentínu og Brasilíu var eitt ævintýri frá upphafi til enda. Mikið ferðalag og mikil upplifun. Eva Peron og blóði drifin saga Argentínu. Patagonia með stærsta innanlandsjökul í heimi, Ushuaia syðsta borg í heimi, Iguazú fossarnir sem eru svo stórir og flottir að maður trúir ekki eigin augum, svo fátt eitt sé talið upp. Ferðin endaði í Rio de Janeiro með Sykurtoppinn, Kristsstyttuna og Copacabana ströndina sem má segja að hafi verið rúsínan í pylsuendanum. Allar tímasetningar stóðu eins og stafur á bók og farastjórnin var til fyrirmyndar. Hópurinn var mjög samstilltur og kynntist vel innbyrðis, reyndar svo vel að til stendur að endurtaka annað ferðalag á forvitnilegar slóðir. Við þökkum kærlega fyrir okkur.
Sigríður Þórhallsdóttir og Kristján Árnason, ReykjavíkArgentína og Brasilía
Sigríður Þórhallsdóttir og Kristján Árnason, Reykjavík
Við hjónin fórum í ferð til Argentínu og Brasilíu með Kólumbus ævintýraferðum. Ferðaáætlunin var metnaðarfull með mörgum viðkomustöðum á áhugaverða staði þar sem Buenos Aires var fyrsti áfangastaðurinn í Argentínu. Þaðan var flogið suður á bóginn til El Calafate og síðan til syðstu borgar í Suður Ameríku sem heitir Ushuaia og er staðsett við Beagle sundið sem skilur að Suðurheimskautslandið og Suður-Ameríku. Þaðan var flogið aftur norður til Puerto Madryn og svo var ferðinni heitið til Puerto Iguazu til þess að upplifa hina stórfenglegu Iguazu fossa. Skoðunarferðir á hverjum áfangastað voru vel skipulagðar og staðirnir sem skoðaðir voru einstaklega áhugaverðir, allt frá áhugaverðum og fallegum borgum og bæjum til mörgæsa, sæljóna og einstakrar náttúru. Loks var ferðinni heitið til Rio de Janeiro á hina frægu Copacabana strönd þar sem Sykurfjallið og Kristsstyttan voru heimsótt. Ógleymanleg ferð í alla staði í skemmtilegum félagsskap með 25 öðrum íslendinum.
Jónas Reynisson, HafnarfirðiArgentína og Brasilía
Jónas Reynisson, Hafnarfirði
Við ferðuðumst við með Kólumbus ævintýrarferðum í tvær vikur um Argentínu og hluta Brasilíu undir traustri fararstjórn Friðriks Brekkans sem þekkir vel til í þessum löndum. Það var einstakt að kynnast stórbrotnu landslagi, sérstöku dýralífi, þjóðlífi og blómlegri menningu á þessum slóðum.
Elsa S. Þorkelsdóttir og Már Guðmundsson, ReykjavíkArgentína og Brasilía
Elsa S. Þorkelsdóttir og Már Guðmundsson, Reykjavík
Í mínum huga var ferðin með Kólumbus ævintýrarferðum til Suður Ameríku í janúar mjög skemmtileg. Mig hefur lengi langað að koma til S-Ameríku og heimsóknin til þessara landa stóðst fyllilega mínar væntingar. Skipulagning, fararstjórn, leiðsögumenn og staðarleiðsögumenn var allt til fyrirmyndar. Þeir staðir sem við heimsóttum voru vel valdir og að kynnast örlítið lifnaðarháttum þess fólks sem þarna býr fannst mér áhugavert. Fyrir mig persónulega var heimsókn til Ríó ferðarinnar virði. Þangað hef ég ætlað mér í áratugi en aldrei haft tækifæri fyrr en nú.
Pétur Óli Pétursson, framkv.stjóri, St. Pétursborg Argentína og Brasilía
Pétur Óli Pétursson, framkv.stjóri, St. Pétursborg
Frábær ferð. Skipulag allt til fyrirmyndar. Borgin sjálf var einhvern veginn miklu meira en ég gerði mér grein fyrir fyrir fram. Leiðsögn Þórhalls átti svo aukinn þátt í upplifuninni af borginni og þeim sögustöðum sem voru heimsóttir. Hæfileg blanda skipulagðs tíma og frjáls tíma.
Ingólfur Ásgeir JóhannessonSöguferð til Rómar
Hæfileg blanda skipulags og frjáls tíma. Góð og fræðandi leiðsögn um sögu staði borgarinnar.
Ragnheiður AxelsdóttirSöguferð til Rómar
Frábært skipulag, frábær og örugg fararstjórn Inga Þórs. Víetnamskir fararstjórar fræðandi og gáfu mjög góða lýsingu á landi og þjóð. Sannkölluð ævintýraferð og frábær hópur. Kærar þakkir fyrir mig.
Marinó Björgvin BjörnssonVíetnam í mars
Stórkostleg,mikil upplifun, frábær fararstjórn,góð hótel, allt stóð eins og stafur á bók. Takk fyrir okkur.
Kristinn SigurðssonJapan í mars
Ógleymaleg ferð og allt stóðst væntingar. Svo sannarlega hægt að mæla með 🥰
Sigríður GunnarsdóttirArgentína, Brasilía og Chile
Öll ferðin var eitt stórkostlegt ævintýri. Annars um fólkið og ferðina: Við höfnum hér tauti og tuði og taumlausu ekkisins suði. Við étum og étum eins og við getum og erum í krónísku stuði.
Ragnar Heiðar ÓskarssonVíetnam í mars
Einstök upplifun, og mögnuð ferð, með einstaklega fróðum fararstjóra.
Henný GestsdóttirArgentína, Brasilía og Chile
Við hjónin fórum í Duoro siglingu með Kolumbus ævintýraferðum í maímánuði 2025. Skemmst er frá að segja að ferðin var í alla staði stórkostleg og fór fram úr okkar væntingum sem þó voru miklar. Skipið okkar var einstaklega „vinalegt“ og allt viðmót áhafnar til fyrirmyndar. Það var ljúft að líða áfram á Duoro ánni og virða fyrir sér fagurt landslag. Einnig voru þær skoðunarferðir sem boðið var upp á bæði fróðlegar og skemmtilegar. Öll skipulagning ferðarinnar og framkvæmd var til fyrirmyndar og allt stóð eins og stafur á bók. Ég mun hiklaust mæla með þessari ferð við hvern þann sem vill njóta þess að ferðast á þægilegan máta, í góðu veðri á förgum stað og drekka góð vín.
AlexanderPortúgal – Sigling á Douro
© 2026 Niko Travel Group

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim. Niko Travel Group rekur vörumerkin Kolumbus – Ævintýraferðir, Kolumbus – Siglingar og Ferðaskrifstofu eldri borgara. Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita. 

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim.

Niko Travel Group rekur vörumerkin Kolumbus – Ævintýraferðir og Ferðaskrifstofu eldri borgara auk bókunarþjónustu fyrir Hótel Skt. Petri í Kaupmannahöfn.

Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita.