olafsvaka-08
olafsvaka-21
olafsvaka-22
olafsvaka-34
olafsvaka-01
olafsvaka-30
Unknown
olafsvaka-04
olafsvaka-28
olafsvaka-29
Unknown-2
olafsvaka-27
olafsvaka-25
olafsvaka-24
olafsvaka-23
olafsvaka-07
olafsvaka-09
olafsvaka-11
olafsvaka-18
olafsvaka-13
Kirkjubær-Faroe-Island
Færeyjar-11
Klaksvik
Unknown-3
Hotel Brandan outside
Hotel Brandan 04
Hotel Brandan-double_room-02
Hotel Brandan double_room
Hotel Brandan 02
Hotel Brandan 01
Færeyjar-07
20210809_224947-1024x576
20210918_130127-1024x576
Færeyjar-10
Faroe-Islands-Crop-1
Thorshofn-01
Kólumbus – Ævintýraferðir bjóða uppá ógleymanlega ferð á Ólafsvökuna í Færeyjum þar sem gleðin ræður ríkjum og Færeyingar skemmta sjálfum sér og gestum sínum. Fararstjóri í ferðinni er Gísli Jafetsson sem er okkar reyndasti fararstjóri í Færeyjum. Hann gerþekkir eyjarnar og margan manninn sem á eftir að koma sér vel fyrir farþega.

Ólafsvakan eða Olaj eins og hún er kölluð er aldagömul hefð þar í landi en þá halda Færeyinga tveggja daga þjóðhátíð árlega dagana 28. og 29. júlí. Við tökum þátt í gleðinni og förum auk þess í hefðbundnar skoðunarferðir um eyjarnar. Dvalið verður á hinu nýja og glæsilega Hotel Brandan 4* og morgunverður innifalin ásamt tveimur kvöldverðum þ.m.t. Ólafsvökuhlaðborð í miðbænum. Dagskráin er glæsileg og gaman verður fyrir þátttakendur að samgleðjast frændum okkar á þessari miklu hátíð. 

Flogið er frá Keflavík með Atlantic Airways fyrir hádegi þann 27. júlí, gist í 4 nætur og komið til baka 31. júlí.

Ferðatilhögun

Gásadalur – Þórshöfn – Hótel Brandan

Flogið með Atlantic Airways frá Keflavík kl. 11:45 og lent á flugvellinum í Vogey í Færeyjum kl. 14:10 að staðartíma. Flogið er með nýlegum og þægilegum þotum af gerðinni Airbus A320 sem skila farþegum upp að nýlegri og glæsilegri flugstöð í Vaagar. Farið er í stutta skoðunarferð til Gásadals þar sem er fámennasta byggðin í Færeyjum með aðeins 15 íbúa. Á leiðinni til baka er ekið í gegnum Sørvág og Sandvág og áætluð koma til Þórshafnar er um kl. 17:30. Innritun á Hotel Brandan skömmu síðar þar sem gist verður í 4 nætur. Hótelið er nýlegt 4* hótel í Þórshöfn.

Tímamismunur á Íslandi og Færeyjum er +1 klst.

Ólafsvakan

Ólafsvakan sett kl. 14:00 í miðbæ Þórshafnar. Frjáls dagskrá yfir daginn. „Ólafsvökuhlaðborð“ á Hótel Brandan kl. 18:00 og síðan heldur fjörið áfram í bænum langt fram á nótt fyrir þá sem vilja taka þátt í gleðinni.

Ólafsvakan

Ólafsvakan nær hámarki með dagskrá frá hádegi fram á nótt.

Ólafsvöku-kvöldverður á Katrina Christiansen restaurant kl. 19:00.

Klaksvík – Fuglafjörður – Austurey

Lagt af stað frá hóteli kl. 10:00 og ekið áleiðis til Klaksvíkur sem er næst fjölmennasti bær í Færeyjum. Hádegissnarl á eigin vegum á Restaurant Amaranten (Smørrebrød – kaffi og kökur á boðstólum) eftir heimsókn í Christians kirkjuna í Klaksvík. Eftir það er ekið til baka um Austurey og á leiðinni er komið við í Fuglafirði. Á leið til Klaksvíkur verður ekið í gegnum göngin sem voru opnuð í desember 2020 og til baka yfir brúna við Streymin til Streymoy og Þórshafnar. Koma aftur að Brandan um kl. 16:30.

Heimferð

Lagt er af stað frá hóteli á flugvöllinn kl. 05:30. Innritun í flug Atlantic Airways með brottför kl. 07:45 og lent í Keflavík kl. 08:15 að íslenskum tíma.

Fararstjórn, verð, greiðslur,  innifalið og bóka ferð

Gísli Jafetsson

Gísli er einn reyndasti fararstjórinn okkar. Hann hefur komið víða við á undanförnum árum og er m.a. mjög reyndur í Færeyjum. Gísli er þekktur fyrir hvað hann heldur vel utan um hópinn á hverjum tíma. Gísli hefur mikil tengsl við samfélagið í Færeyjum og var um árabil framkvæmdastjóri FEB.

Verð: 289.000 kr. á mann miðað við gistingu í tveggja manna herbergi.

Aukagjald fyrir eins manns herbergi er 75.000 kr.

Greiða þarf 50.000 kr. staðfestingargjald pr. farþega við bókun sem innheimt verður í heimabanka.

Eftirstöðvar verða innheimtar allt að 70 dögum fyrir brottför.

• Flug með Atlantic Airways, allir skattar og gjöld.
• 23 kg taska og 10 kg handfarangur.
• 4 nætur á Hótel Brandan með morgunverði.
• 2 kvöldmáltíðir, þ.m.t. Ólafsvökuhlaðborð í miðbænum.
• Skoðunarferð til Klaksvíkur, Gásadals, Fuglafjarðar og Götu.
• Allur rútuakstur.
• Íslensk fararstjórn Gísla Jafetssonar allan tímann.

Hótel Brandan

Brottför

Dagar
Klst.
Mín.

Umsagnir viðskiptavina okkar

Við vinkonurnar fórum nú í lok ágúst, í Paradores ferð um Baskaland og Norður-Spán, með Kolumbus Ævintýraferðum og var þetta sannkölluð ævintýraferð og ferðaskrifstofunni til mikils sóma!! Farastjóri og skipuleggjandi ferðarinnar var Goði Sveinsson og á hann miklar þakkir skyldar fyrir frábært skipulag og einstakan fróðleik um svæðið, sem við þessi 40 manna samstillti ferðahópur urðum aðnjótandi!! Kærar þakkir frá okkur!! Við erum til í fleiri svona ferðir!!
Helga R.Höskuldsdóttir og Hjördís StefánsdóttirParadores-ferð um Norður-Spán og Baskaland
Helga R.Höskuldsdóttir og Hjördís Stefánsdóttir
Kæru ferðafélagar. Við Halli þökkum ykkur öllum fyrir samveruna í þessari dásamlegu ferð. Maturinn, gistingin, upplifunin, fararstjórnin hans Goða, skipulagið allt ofl.ofl. Við förum aftur á þessar slóðir til að upplifa enn meir. Óskum ykkur alls hins besta kæru ferðafélagar. Næsta ferð nálgast hjá okkur. Ísraelsferðin handan við hornið og auðvitað með Kolumbus.
Jenny og HalliParadores-ferð um Norður-Spán og Baskaland
Jenny og Halli
Paradores-ferðin til Baskalands í ágústlok var einstaklega vel skipulögð, um áhugaverðan hluta Spánar. Gististaðir voru tilkomumikil Paradores-hótel sem voru undantekningarlaust frábær, svo og matur og drykkir! Heimsóknir á víngarða mjög vel undirbúnar, skemmtilegar og fróðlegar. Auk Guggenheimsafnsins í Bilbao var Hotel Marqués de Riscal frábær kynning á meistara Frank Gehry! Allt þetta ásamt fleiru, ekki síst ljúfri og yfirvegaðri fararstjórn Goða, varð til þess að stemningin í hópnum varð skemmtileg og notaleg og vinabönd mynduðust.
Sigrún Benediktsdóttir og Gísli EinarssonParadores-ferð um Norður-Spán og Baskaland
Sigrún Benediktsdóttir og Gísli Einarsson
Ferðin til Argentínu og Brasilíu var eitt ævintýri frá upphafi til enda. Mikið ferðalag og mikil upplifun. Eva Peron og blóði drifin saga Argentínu. Patagonia með stærsta innanlandsjökul í heimi, Ushuaia syðsta borg í heimi, Iguazú fossarnir sem eru svo stórir og flottir að maður trúir ekki eigin augum, svo fátt eitt sé talið upp. Ferðin endaði í Rio de Janeiro með Sykurtoppinn, Kristsstyttuna og Copacabana ströndina sem má segja að hafi verið rúsínan í pylsuendanum. Allar tímasetningar stóðu eins og stafur á bók og farastjórnin var til fyrirmyndar. Hópurinn var mjög samstilltur og kynntist vel innbyrðis, reyndar svo vel að til stendur að endurtaka annað ferðalag á forvitnilegar slóðir. Við þökkum kærlega fyrir okkur.
Sigríður Þórhallsdóttir og Kristján Árnason, ReykjavíkArgentína og Brasilía
Sigríður Þórhallsdóttir og Kristján Árnason, Reykjavík
Við hjónin fórum í ferð til Argentínu og Brasilíu með Kólumbus – Ævintýraferðum. Ferðaáætlunin var metnaðarfull með mörgum viðkomustöðum á áhugaverða staði þar sem Buenos Aires var fyrsti áfangastaðurinn í Argentínu. Þaðan var flogið suður á bóginn til El Calafate og síðan til syðstu borgar í Suður Ameríku sem heitir Ushuaia og er staðsett við Beagle sundið sem skilur að Suðurheimskautslandið og Suður-Ameríku. Þaðan var flogið aftur norður til Puerto Madryn og svo var ferðinni heitið til Puerto Iguazu til þess að upplifa hina stórfenglegu Iguazu fossa. Skoðunarferðir á hverjum áfangastað voru vel skipulagðar og staðirnir sem skoðaðir voru einstaklega áhugaverðir, allt frá áhugaverðum og fallegum borgum og bæjum til mörgæsa, sæljóna og einstakrar náttúru. Loks var ferðinni heitið til Rio de Janeiro á hina frægu Copacabana strönd þar sem Sykurfjallið og Kristsstyttan voru heimsótt. Ógleymanleg ferð í alla staði í skemmtilegum félagsskap með 25 öðrum íslendinum.
Jónas Reynisson, HafnarfirðiArgentína og Brasilía
Jónas Reynisson, Hafnarfirði
Við ferðuðumst við með Kólumbus – Ævintýrarferðum í tvær vikur um Argentínu og hluta Brasilíu undir traustri fararstjórn Friðriks Brekkans sem þekkir vel til í þessum löndum. Það var einstakt að kynnast stórbrotnu landslagi, sérstöku dýralífi, þjóðlífi og blómlegri menningu á þessum slóðum.
Elsa S. Þorkelsdóttir og Már Guðmundsson, ReykjavíkArgentína og Brasilía
Elsa S. Þorkelsdóttir og Már Guðmundsson, Reykjavík
Að ferðast til endimarka heimsins, sigla á Beaglesundinu, heimsækja Iguazú fossana, sigla á Lago Argentino og njóta útsýnis yfir Perito Moreno jökulinn er stórkostleg upplifun. Að dvelja síðan í stórborgunum Buenos Aries og Rio de Janeiro og njóta alls sem þær hafa að bjóða er ævintýri líkast.
Ingibjörg Hauksdóttir, hjúkrunarfræðingur, GarðabæArgentína og Brasilía
Ingibjörg Hauksdóttir, hjúkrunarfræðingur, Garðabæ
Í mínum huga var ferðin með Kólumbus Ævintýrarferðum til Suður Ameríku í janúar mjög skemmtileg. Mig hefur lengi langað að koma til S-Ameríku og heimsóknin til þessara landa stóðst fyllilega mínar væntingar. Skipulagning, fararstjórn, leiðsögumenn og staðarleiðsögumenn var allt til fyrirmyndar. Þeir staðir sem við heimsóttum voru vel valdir og að kynnast örlítið lifnaðarháttum þess fólks sem þarna býr fannst mér áhugavert. Fyrir mig persónulega var heimsókn til Ríó ferðarinnar virði. Þangað hef ég ætlað mér í áratugi en aldrei haft tækifæri fyrr en nú.
Pétur Óli Pétursson, framkv.stjóri, St. Pétursborg Argentína og Brasilía
Pétur Óli Pétursson, framkv.stjóri, St. Pétursborg
Frábær ferð. Skipulag allt til fyrirmyndar. Borgin sjálf var einhvern veginn miklu meira en ég gerði mér grein fyrir fyrir fram. Leiðsögn Þórhalls átti svo aukinn þátt í upplifuninni af borginni og þeim sögustöðum sem voru heimsóttir. Hæfileg blanda skipulagðs tíma og frjáls tíma.
Ingólfur Ásgeir JóhannessonSöguferð til Rómar
Hæfileg blanda skipulags og frjáls tíma. Góð og fræðandi leiðsögn um sögu staði borgarinnar.
Ragnheiður AxelsdóttirSöguferð til Rómar
Frábært skipulag, frábær og örugg fararstjórn Inga Þórs. Víetnamskir fararstjórar fræðandi og gáfu mjög góða lýsingu á landi og þjóð. Sannkölluð ævintýraferð og frábær hópur. Kærar þakkir fyrir mig.
Marinó Björgvin BjörnssonVíetnam í mars
Stórkostleg,mikil upplifun, frábær fararstjórn,góð hótel, allt stóð eins og stafur á bók. Takk fyrir okkur.
Kristinn SigurðssonJapan í mars
Ógleymaleg ferð og allt stóðst væntingar. Svo sannarlega hægt að mæla með 🥰
Sigríður GunnarsdóttirArgentína, Brasilía og Chile
Öll ferðin var eitt stórkostlegt ævintýri. Annars um fólkið og ferðina: Við höfnum hér tauti og tuði og taumlausu ekkisins suði. Við étum og étum eins og við getum og erum í krónísku stuði.
Ragnar Heiðar ÓskarssonVíetnam í mars
Einstök upplifun, og mögnuð ferð, með einstaklega fróðum fararstjóra.
Henný GestsdóttirArgentína, Brasilía og Chile

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim. Niko Travel Group rekur vörumerkin Kolumbus – Ævintýraferðir, Kolumbus – Siglingar og Ferðaskrifstofu eldri borgara. Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita. 

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim.

Niko Travel Group rekur vörumerkin Kolumbus – Ævintýraferðir og Ferðaskrifstofu eldri borgara auk bókunarþjónustu fyrir Hótel Skt. Petri í Kaupmannahöfn.

Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita.