Brottför frá Íslandi

Flogið með Icelandair og lent á FCO flugvellinum í Róm í eftirmiðdaginn um kl 14:35. Tímamismunur eru +2 klst. Þórhallur tekur á móti hópnum á flugvellinum og ekið er á hótel Grand Hotel Adriatico sem er í hjarta Flórens þar sem dvalið er í 5 nætur. Þórhallur nýtir tímann til að fara yfir dagana sem eru í vændum og segja frá því sem fyrir augu ber. Rútuferðin til Flórens tekur rúmar þrjár klukkustundir og er stoppað einu sinni á leiðinni svo fólk geti farið á salerni og fengið sér hressingu. Sameiginlegur kvöldverður á hótelinu við komu

Máltíðir innifaldar: Kvöldverður.

Fyrri dagur skoðunarferða um Flórens – Akademían

Sérstakar hámarksreglur gilda um stærð hópa og verður hópnum því skipt í tvo hluta á mismunandi tímum. Hópur 1 fer í skoðunarferðina að morgni en hópur 2 síðdegis. Á meðan nýtur hinn hópurinn frjáls tíma í Flórens.

Minni hópar gera okkur kleift að veita betri og persónulegri þjónustu, auk þess sem auðveldara er að njóta leiðsagnar og fræðslu um sögu og menningu borgarinnar.

Hópur 1: Morgunferð
Hópur 2: Eftirmiðdags ferð

Lýsing á ferðinni:

Gengið er frá hótelinu og leiðir Þórhallur hópinn um sögulega miðborg Flórensar. Á leiðinni verður gengið um nokkrar af helstu perlum borgarinnar, meðal annars um San Lorenzo-hverfið, framhjá hinum líflega markaði þar, og áfram að Piazza della Signoria, einu glæsilegasta torgi Flórensar þar sem finna má fjölmargar sögufrægar byggingar og höggmyndir.

Að því loknu heimsækir hópurinn Galleria dell’Accademia, sem er staðsett í hjarta borgarinnar. Þar er að finna einhver þekktustu listaverk sögunnar og þeirra fremst höggmyndir Michelangelo, þar á meðal hina heimsfrægu Davíðsstyttu. Ekki síðra er safn gamalla og nýrra ítalskra málverka sem þar er að finna, auk safns gifsmynda eftir Lorenzo Bartolini og nemanda hans Luigi Pampaloni, svo fátt eitt sé nefnt.

Skoðunarferðin tekur um 3 tíma.

Máltíðir innifaldar: Morgunverður.

Frjáls dagur í Flórens

Í dag gefst tækifæri til að njóta Flórens á eigin vegum. Hægt er að rölta um hinn fallega gamla bæ, skoða verslanir og markaði eða setjast niður á einhverju af þeim fjölmörgu kaffihúsum og veitingastöðum sem borgin hefur upp á að bjóða.

Margir nýta daginn til að fara í dagsferð til Pisa, sem er aðeins rúmlega klukkustundar lestarferð frá Flórens. Einnig er upplagt að heimsækja hið heimsfræga Uffizi-safn, sem hýsir eitt merkasta listasafn Ítalíu. Þar sem aðsókn er mikil er ráðlegt að bóka aðgangsmiða með góðum fyrirvara.

Þeir sem vilja njóta stórbrotins útsýnis yfir borgina geta gengið eða tekið strætó upp að Piazzale Michelangelo, sem er einn vinsælasti útsýnisstaður Flórensar. Þaðan blasir við einstakt útsýni yfir dómkirkjuna, Arno-fljótið og rauðu þökin sem einkenna borgina.

Máltíðir innifaldar: Morgunverður.

Matar- og vínferð um Toskana-hérað

Lagt er af stað um kl 9 frá hótelinu í Flórens og ekið út í hið fallega Toskana-hérað. Fyrsti viðkomustaður dagsins er hinn heillandi miðaldabær San Gimignano, þekktur fyrir steinturna sína, þröngar götur og einstakt andrúmsloft. Þar gefst tími til að ganga um bæinn, njóta útsýnisins yfir vínekrur og kynnast sögu og menningu staðarins ásamt staðarleiðsögumanni.

Að heimsókninni lokinni er ekið áfram að vínbúgarði í nágrenninu þar sem við erum boðin velkomin af heimamönnum. Þar fáum við fræðslu um vínrækt og vínframleiðslu á svæðinu og njótum vínsmökkunar á ljúfum vínum Toskana-héraðs. Í kjölfarið er boðið upp á ljúffengan hádegismat, unninn úr ferskum og staðbundnum hráefnum, þar sem matarmenning svæðisins fær að njóta sín til fulls.

Seinnipart dags er ekið til baka til Flórens og komið á hótel seinni hluta dags.

Kvöldið er frjálst til að njóta borgarinnar á eigin vegum.

Máltíðir innifaldar: Morgun- og hádegisverður og vínsmökkun.

Seinni dagur skoðunarferða um Flórens

Sérstakar hámarksreglur gilda um stærð hópa og því höldum við hópaskiptingu einnig þennan dag. Hópur 1 fer í skoðunarferðina að morgni en hópur 2 síðdegis. Á meðan nýtur hinn hópurinn frjáls tíma í Flórens.

Hópur 1: Morgunferð
Hópur 2: Síðdegisferð

Í þessari ferð kynnumst við einu merkasta kennileiti Flórensar, Dómkirkjunni Santa Maria del Fiore, sem er meðal glæsilegustu kirkna heims. Heimsóknin nær yfir allt dómkirkjusvæðið, þar á meðal sjálfa kirkjuna, skírnarkapelluna (Battistero) með sínum frægu bronshliðum, Opera del Duomo-safnið, þar sem varðveitt eru mörg af upprunalegum listaverkum dómkirkjunnar, og að lokum hvelfingu Brunelleschis.

Fyrir þá sem treysta sér til endar ferðin með göngu upp í hina heimsfrægu hvelfingu þar sem gestir fá einstakt tækifæri til að skoða meistaraverk Brunelleschis að innan og njóta stórbrotins útsýnis yfir , Arno-dalinn og hinar fallegu sveitir Toskanahéraðs.

Skoðunarferðin tekur um 3 klukkustundir.

Um kvöldið er sameiginlegur hátíðarkvöldverður á veitingahúsi í gamla bænum. Gengið er saman frá hótelinu ásamt Þórhalli

Máltíðir innifaldar: Morgun- og kvöldverður.

Heimfarardagur

Lagt verður af stað með rútu á flugvöllinn um kl. 07:30 og komið þangað 3 klst. síðar. Innritun í flug Icelandair, FI 563 sem er áætlað kl. 14:45 og lendir í Keflavík kl. 18:40 að íslenskum tíma.