Brottför frá Íslandi

Flogið með Icelandair kl. 08:15 og lent á FCO flugvellinum í Róm kl. 15:00. Tímamismunur eru +2 klst. Rúta bíður hópsins og sr. Þórhallur tekur á móti ferðalöngum ásamt Hildi Jónsdóttur svæðisstjóra Kolumbus – Ævintýraferða á Ítalíu. Ekið er á hótel Grand Hotel Adriatico sem er í hjarta Flórens þar sem dvalið er í 5 nætur. Þórhallur nýtir tímann til að fara yfir dagana sem eru í vændum og segja frá því sem fyrir augu ber. Rútuferðin til Flórens tekur rúmar þrjár klukkustundir og er stoppað einu sinni á leiðinni svo fólk geti farið á salerni og fengið sér hressingu. Sameiginlegur kvöldverður á hótelinu.

Máltíðir innifaldar: Kvöldverður.

Fyrri dagur skoðunarferða um Flórens

Farið er í skoðunarferð um gamla bæinn og í Galleria dell’Accademia (eða „Akademíuna í Flórens“) sem er einstök upplifun sem sameinar menningu, list og sögu borgarinnar. Sérstakar hámarksreglur gilda um stærð hópa og verður hópnum því skipt í tvo hluta á mismunandi tímum en þó ávallt undir leiðsögn Þórhalls. Minni hópar gera okkur einnig kleift að veita betri og nánari þjónustu og útskýringa leiðsögumanns.

Hópur 1 leggur af stað um morguninn.
Hópur 2 leggur af stað eftir hádegi.

Gengið er frá hótelinu og upplifum við hin fornu torg og sjáum m.a. Palazzo Vecchio á Piazza della Signoria, hina yfirbyggðu brú Ponte Vecchio og markaðinn sem endar svo í Galleria dell’Accademia sem er staðsett í hjarta borgarinnar. Þar er að finna einhver þekktustu listaverk sögunnar og þeirra fremst höggmyndir Michelangelo en meðal þeirra er hin fræga höggmynd af Davíð. Ekki síðra er safn gamalla og nýrra ítalskra málverka sem þar er að finna og safn gifsmynda eftir Lorenzo Bartolini og nemenda hans Luigi Pampaloni svo fátt eitt sé nefnt. Göngunni lýkur í miðbænum.

Eftir gönguna er frjáls tími og tilvalið að setjast niður í góðan hádegismat á einu af fallegum torgum borgarinnar. Í lok ferðar gefst hóp 1 tækifæri til að heimsækja Uffizi safnið á eigin vegum sem einnig er í göngufæri frá hótelinu. Safnið er frægt fyrir forn og ný listaverk sín, meðal annars Fæðingu Venusar eftir Botticelli.

Hópur 2 sem á frí þennan morguninn getur skoðað sig um í borginni en sr. Þórhallur getur gefið góðar ábendingar um gönguleiðir, verslunargötur, veitingahús og áhugaverða staði að heimsækja eða fara í Uffizi safnið þann morguninn á eigin vegum sem er í göngufæri frá hótelinu.

Hópur 2 leggur svo stað í Akademíuna eftir hádegi.

Máltíðir innifaldar: Morgunverður. 

Seinni dagur skoðunarferða um Flórens

Farið er í skoðunarferð um gamla bæinn og dómkirkjuna Santa Maria Del Fiore og umhverfi hennar. Sérstakar hámarksreglur gilda um stærð hópa og verður hópnum því skipt í tvo hluta á mismunandi tímum en þó ávallt undir leiðsögn Þórhalls. Minni hópar gera okkur einnig kleift að veita betri og nánari þjónustu og útskýringa leiðsögumanns.

Hópur 2 leggur af stað um morguninn.
Hópur 1 leggur af stað eftir hádegi.

Við skoðum kirkjuna og rústir hinnar fornu kirkju í hvelfingunum undir henni. Einnig sækjum við heim skírnarkapellu heilags Jóhannesar sem stendur á torginu við kirkjuna. Þau sem vilja geta síðan gengið upp í hvelfinguna eða kirkjuturninn. Göngunni lýkur í miðbænum. Eftir gönguna er frjáls tími og tilvalið að setjast niður í góðan hádegismat á einu af fallegu torgum borgarinnar. Í lok ferðar gefst hópnum tækifæri til að heimsækja Boboli-garðinn (Giardino di Boboli) einn þekktasta og sögufrægasta garð Ítalíu, staðsettan í miðri borginni. Hann er einstakt dæmi um ítalskan endurreisnar garð og hefur haft mikil áhrif á þróun evrópskra garða í gegnum aldirnar. Boboli-garðurinn er ekki bara garður hann er útisafn listar og arkitektúrs.

Hópur 1 sem á frí þennan morguninn getur skoðað sig um í borginni en sr. Þórhallur getur gefið góðar ábendingar um gönguleiðir, verslunargötur, veitingahús og áhugaverða staði að heimsækja eða fara í Boboli-garðinn þann morguninn.

Hópur 1 leggur svo stað í dómkirkjuna eftir hádegi.

Máltíðir innifaldar: Morgunverður.

Matar- og vínferð um Toskana-hérað

Lagt af stað frá hótelinu að morgni í heils dags ferð út fyrir Flórens þar sem við heimsækjum litla bæi og vínbónda og njótum yndislegra og gróinna sveita Toskana-héraðs. Hjá vínbóndanum fáum við fræðslu um vínræktina og þar gefst tækifæri til að bragða á ljúfum veigum að hætti Toskana. Við borðum saman flottan hádegisverð og njótum þess besta sem héraðið hefur uppá að bjóða. Komið heim á hótel síðdegis og kvöldið er frjálst.

Máltíðir innifaldar: Morgun- og hádegisverður. 

Frjáls dagur í Flórens

Tækifæri til að njóta gamla bæjarins og markaðarins og heimsækja einhvern af þeim fjölmörgu veitingastöðum og kaffihúsum sem er að finna í Flórens. Um kvöldið er sameiginlegur hátíðarkvöldverður á veitingahúsi í gamla bænum. Gengið er saman frá hótelinu ásamt Þórhalli og Hildi.

Máltíðir innifaldar: Morgun- og kvöldverður.

Heimfarardagur

Lagt verður af stað með rútu á flugvöllinn um kl. 10:00 og komið þangað 3 klst. síðar. Innritun í flug Icelandair, FI 563 sem er áætlað kl. 16:20 og lendir í Keflavík kl. 19:10 að íslenskum tíma.