Brottför frá Íslandi

Flogið með Icelandair kl. 07:50 og lent á FCO flugvellinum í Róm kl. 14:35. Tímamismunur eru +2 klst. Rúta bíður hópsins og sr. Þórhallur tekur á móti ferðalöngum ásamt Hildi Jónsdóttur svæðisstjóra Kolumbus – Ævintýraferða á Ítalíu. Ekið er á hótel Grand Hotel Adriatico sem er í hjarta Flórens þar sem dvalið er í 5 nætur. Þórhallur nýtir tímann til að fara yfir dagana sem eru í vændum og segja frá því sem fyrir augu ber. Rútuferðin til Flórens tekur rúmar þrjár klukkustundir og er stoppað einu sinni á leiðinni svo fólk geti farið á salerni og fengið sér hressingu. Sameiginlegur kvöldverður á hótelinu.

Máltíðir innifaldar: Kvöldverður.

Fyrri dagur skoðunarferða um Flórens

Fyrri dagur skoðunarferða. Farið er í skoðunarferð um gamla bæinn og dómkirkjuna Santa Maria Del Fiore og umhverfi hennar.  Sérstakar hámarksreglur gilda um stærð hópa og verður hópnum því skipt í tvo hluta á mismunandi tímum en þó ávallt undir leiðsögn Þórhalls. Minni hópar gera okkur einnig kleift  að veita betri og nánari þjónustu og útskýringar leiðsögumanns.

Hópur 1
Gengið er frá hótelinu um morguninn og upplifum við hin fornu torg og sjáum m.a. Palazzo Vecchio á Piazza della Signoria, hina yfirbyggðu brú Ponte Vecchio og markaðinn. Hápunktur göngunnar er heimsókn í dómkirkjuna Santa Maria del Fiore sem reist var á 15. öld og er þriðja stærsta kirkja í Evrópu. Yfir kirkjunni gnæfir hvelfing Filippo Brunelleschi sem var vígð 1436. Við skoðum kirkjuna og rústir hinnar fornu kirkju í hvelfingunum undir henni. Einnig sækjum við heim skírnarkapellu heilags Jóhannesar sem stendur á torginu við kirkjuna.

Þau sem vilja geta síðan gengið upp í hvelfinguna eða kirkjuturninn. Göngunni lýkur í miðbænum. Eftir gönguna er frjáls tími og tilvalið að setjast niður í góðan hádegismat á einu af  fallegum torgum borgarinnar.

Í lok ferðar gefst hópi 1 tækifæri til að heimsækja Uffizi safnið (á eigin vegum) sem einnig er í göngufæri frá hótelinu. Safnið er frægt fyrir forn og ný listaverk sín, meðal annars Fæðingu Venusar eftir Botticelli.

Hópur 2
Um morguninn er frjáls tími og getur fólk skoðað sig um í borginni en Þórhallur getur gefið góðar ábendingar um gönguleiðir, verslunargötur, veitingahús og áhugaverða staði að heimsækja.

Í eftirmiðdaginn leiðir Þórhallur svo hóp 2 með sér í Galleria dell’Accademia sem er staðsett í hjarta borgarinnar. Þar er að finna einhver þekktustu listaverk sögunnar og þeirra fremst höggmyndir Michelangelo en meðal þeirra er hin fræga höggmynd af Davíð. Ekki síðra er safn gamalla og nýrra ítalskra málverka sem þar er að finna og safn gifsmynda eftir Lorenzo Bartolini og nemenda hans Luigi Pampaloni, svo fátt eitt sé nefnt. Skoðunarferðin tekur um 2 tíma. Göngunni lýkur í miðbænum. Kvöldverður er sameiginlegur á veitingahúsi í miðbænum sem hver greiðir fyrir sig.

Máltíðir innifaldar: Morgunverður.

Seinni dagur skoðunarferða um Flórens

Farið er í skoðunarferð um gamla bæinn og dómkirkjuna Santa Maria Del Fiore og umhverfi hennar.  Sérstakar hámarksreglur gilda um stærð hópa og verður hópnum því skipt í tvo hluta á mismunandi tímum en þó ávallt undir leiðsögn Þórhalls. Minni hópar gera okkur einnig kleift  að veita betri og nánari þjónustu og útskýringar leiðsögumanns.

Hópur 2
Gengið er frá hótelinu um morguninn og upplifum við hin fornu torg og sjáum m.a. Palazzo Vecchio á Piazza della Signoria, hina yfirbyggðu brú Ponte Vecchio og markaðinn. Hápunktur göngunnar er heimsókn í dómkirkjuna Santa Maria del Fiore sem reist var á 15. öld og er þriðja stærsta kirkja í Evrópu. Yfir kirkjunni gnæfir hvelfing Filippo Brunelleschi sem var vígð 1436. Við skoðum kirkjuna og rústir hinnar fornu kirkju í hvelfingunum undir henni. Einnig sækjum við heim skírnarkapellu heilags Jóhannesar sem stendur á torginu við kirkjuna. Þau sem vilja geta síðan gengið upp í hvelfinguna eða kirkjuturninn. Göngunni lýkur í miðbænum. Eftir gönguna er frjáls tími og tilvalið að setjast niður í góðan hádegismat á einu af  fallegum torgum borgarinnar.

Í lok ferðar gefst hóp 2 tækifæri til að heimsækja Uffizi safnið (á eigin vegum) sem einnig er í göngufæri frá hótelinu. Safnið er frægt fyrir forn og ný listaverk sín, meðal annars Fæðingu Venusar eftir Botticelli.

Hópur 1
Á frí þennan morguninn og getur skoðað sig um í borginni en Þórhallur getur gefið góðar ábendingar um gönguleiðir, verslunargötur, veitingahús og áhugaverða staði að heimsækja.

Í eftirmiðdaginn leiðir Þórhallur svo hóp 1 með sér í Galleria dell’Accademia sem er staðsett í hjarta borgarinnar. Þar er að finna einhver þekktustu listaverk sögunnar og þeirra fremst höggmyndir Michelangelo, en meðal þeirra er hin fræga höggmynd af Davíð. En ekki síðri er safn gamalla og nýrra ítalskra málverka sem þar er að finna og safn gifsmynda eftir Lorenzo Bartolini og nemenda hans Luigi Pampaloni, svo fátt eitt sé nefnt. Skoðunarferðin tekur um 2 tíma. Göngunni lýkur í miðbænum. Kvöldverður er sameiginlegur á veitingahúsi í miðbænum sem hver greiðir fyrir sig.

Máltíðir innifaldar: Morgunverður.

Matar- og vínferð um Toskana-hérað

Lagt af stað frá hótelinu að morgni í heils dags ferð út fyrir Flórens þar sem við heimsækjum litla bæi og vínbónda og njótum yndislegra og gróinna sveita Toskana-héraðs. Hjá vínbóndanum fáum við fræðslu um vínræktina og þar gefst tækifæri til að bragða á ljúfum veigum að hætti Toskana. Við borðum saman flottan hádegismat og njótum þess besta sem héraðið hefur uppá að bjóða. Komið heim á hótel síðdegis og kvöldið er frjálst.

Máltíðir innifaldar: Morgun- og hádegisverður.

Frjáls dagur í Flórens

Tækifæri til að njóta gamla bæjarins og markaðarins og heimsækja einhvern af þeim fjölmörgu veitingastöðum og kaffihúsum sem er að finna í Flórens. Um kvöldið er sameiginlegur hátíðarkvöldverður á veitingahúsi í gamla bænum. Gengið er saman frá hótelinu ásamt Þórhalli og Hildi.

Máltíðir innifaldar: Morgun- og kvöldverður.

Heimfarardagur

Lagt verður af stað með rútu á flugvöllinn um kl. 7:45 og komið þangað 3 klst. síðar. Innritun í flug Icelandair sem er áætlað kl. 15:45 og lendir í Keflavík kl. 18:35 að íslenskum tíma.