Einstök upplifun á söguslóðum í Normandí

Á síðasta ári voru 80 ár liðin frá innrásinni í Normandí og af því tilefni efndi Kólumbus–Ævintýraferðir til hópferðar á þær slóðir þar sem innrásarherirnir lögðu upp í för sína til Frakklands og stigu síðan á land við erfiðar aðstæður. Ferðin naut mikilla vinsælda og seldist upp á augabragði og því efnum við til annarrar samskonar ferðar á sama tíma í ágúst n.k. Ferðin hefst í Portsmouth þar sem gist verður í 2 nætur og við skoðum Royal Navy Museum, HMS Victory o.fl. Frá höfninni í Pool verður siglt yfir Ermasund til Cherbourg, sömu leið og her bandamanna sigldi árið 1944. Í Bayeux er gist í þrjár nætur á Grand Hotel du Luxembourg í hjarta bæjarins. Við förum í heilsdagsferð til Mont Saint-Michel og skoðum staði sem tengjast innrásinni í júní 1944. Frá söguslóðum í Normandí verður haldið til Parísar þar sem dvalist verður síðustu 2 nætur ferðarinnar á M Social Hotel 4* í miðborg Parísar. Í borginni verður m.a. farið að gröf Napóleons í Les Invalides.

Spinnaker Tower inPortsmouth
Bayeux
Cherbourg Octeville harbor
Pointe du Hoc
Le Mont Saint Michel Normandy
Utah beach Normandy
Pointe du Hoc
Omaha Beach
HMS Victory
Le Redoutable
Omaha Beach
Le Mont Saint Michel Normandy
Les Invaldises
Portsmouth Marriott Hotel
Portsmouth Marriott Hotel
Portsmouth Marriott Hotel
Portsmouth Marriott Hotel
Portsmouth Marriott Hotel
Grand Hotel du Luxembourg
Grand Hotel du Luxembourg
Grand Hotel du Luxembourg
M-Social-Paris-08
Hotel M Social París
Hotel M Social París
Hotel M Social París
Hotel M Social París
Hotel M Social París
Hotel M Social París
Hotel M Social París

Innrásin í Normandí þann 6. júní 1944 var þekkt sem D-dagur og var mikilvægt skref til að tryggja sigur bandamanna á Þjóðverjum í síðari heimsstyrjöldinni. Hún var hluti af ígrundaðri áætlun bandamanna um að ganga á land í Frakklandi og opna braut fyrir framhlaupi inn í Evrópu gegn herjum Hitlers og Nasista. Innrásin er einn af þeim atburðum sem breyttu öllu í heimssögunni og hafði mikil áhrif á lok síðari heimsstyrjaldarinnar.

Ferðatilhögun

Keflavík – Portsmouth 

Flogið með Icelandair til London Gatwick kl. 10:30 og lent kl. 14:40 að staðartíma. Þaðan verður ekið áleiðis til Portsmouth þar sem ein stærsta flotastöð innrásarflotans var staðsett í júní 1944. Sameiginlegur kvöldverður og samhristingur í Portsmouth (ekki innifalið). Gist verður á Portsmouth Marriott Hotel 4* í 2 nætur.

Royal Navy Museum

Heill skoðunardagur frá morgni frameftir degi í Portsmouth þar sem við heimsækjum fyrst safn breska flotans, Royal Navy Museum, þar sem skoða má herskip af öllum stærðum og gerðum frá ýmsum tímum. Þar gefst m.a. tækifæri til að skoða HMS Victory sem var flaggskip Nelsons flotaforingja í orustunni um Trafalgar árið 1805. Hægt er að fara í 45 mín. siglingu um höfnina þar sem nýjustu skip flotans liggja. Aðgangseyrir að söfnum í Portsmouth er ekki innifalinn.

Cherbourgh – Le Redoutable

Snemma morguns er tékkað út af hóteli og ekið að höfninni í Pool þaðan sem siglt verður með ferju kl. 8:30 yfir Ermasund til Cherbourgh, sömu leið og her bandamanna sigldi árið 1944 þegar frægasta innrás síðari heimstyrjaldar hófst 6. júní (D-Day). Komið verður til Cherbourgh kl. 14:00 og skömmu eftir komuna verður kafbátur franska hersins, „Le Redoutable“, skoðaður. Síðdegis verður svo ekið til bæjarins Bayeux þar sem gist verður í þrjár nætur á Grand Hotel du Luxembourg sem er í hjarta bæjarins. Komið á hótel um kl. 19:00.

Slóðir innrásarinnar

Heilsdagsferð á slóðir innrásarinnar. Fyrst verður haldið að Utah ströndinni þar sem her bandamanna gekk fyrst á land. Þaðan er haldið áfram að Pointe du Hoc þar sem hægt verður að skoða gömul virki Þjóðverja og síðan bandaríska herkirkjugarðinn. Áfram verður haldið að Omaha strönd þar sem stærstur hluti hers bandamanna gekk á land. Mesta mannfallið var einmitt á þessum tveimur stöðum 6. júní. Við snæðum hádegisverð við ströndina (innifaliðí verði). Deginum lýkur í Arromanches í hringkvikmyndahúsi þar sem við upplifum innrásina í nærmynd. Síðdegis er ekið til baka til Bayeux.

Mont Saint-Michel

Heilsdagsferð til Mont Saint-Michel. Farið í slóð 3. herdeildar Pattons hershöfðingja. Mont Saint- Michel er einstakur staður, eyja, klaustur og kastali sem rísa eins og turn úr Lord of the Rings í miðju flæðilandi út frá ströndinni. Virkið var grundvallað árið 709. Lengst var barist um kastalann í hundrað ára stríðinu á 14. öld, en þá stóðst hann umsátur í 30 ár. Í frönsku byltingunni var kastalinn og klaustrið gert að fangelsi. Eyjan er á heimsminjaskrá UNESCO. Haldið til Bayeux síðdegis. Hádegisverður snæddur í Mont Saint-Michel (innifalinn í verði).

Bayeux

Við byrjum daginn með því að skoða Bayeux-dregilinn í Bayeux Tapestry Museum (70 m langur og 50 cm hár), dregil með myndaröð sem segir frá innrás Vilhjálms Bastarðs – sigurvegara í orustunni við Hastings á Englandi árið 1066. Eftir það verður snæddur hádegisverður í Bayeux (innifalinn í verði) áður en ekið verður áleiðis til Parísar og komið þangað síðdegis. Gist verður síðustu tvær næturnar á M Social Hotel í 17. hverfi Parísar þar sem fjölskrúðugt mannlífi setur svip á miðborgina.

Les Invaldises

Heimsókn í Les Invaldises fyrir hádegi, að gröf Napóleons og í safn franska hersins fyrir þau sem vilja. Frjáls dagur eftir hádegi.

Brottför

Tékkað út af hóteli fyrir hádegi. Tími gefst til að rölta um í borginni til kl. 13.00 þegar ekið verður með rútu á Charles de Gaulle flugvöll þaðan sem flogið verður með flugi Icelandair FI547 kl. 17:00 og lent í Keflavík kl. 18:30.

Fararstjórn, verð, greiðslur og innifalið

Sr. Þórhallur Heimisson verður fararstjóri okkar. Hann er öllum hnútum kunnugur og hefur starfað sem leiðsögumaður allt frá árinu 2005.Þórhallur fór þessa ferð á síðasta ári og gerþekkir söguslóðir og staðhætti.

Verð á mann: 419.000 kr. á mann m.v. gistingu í tveggja manna herbergi.

Aukgagjald vegna gistingar í eins manns herbergi: 119.000 kr.

Greiða þarf 100.000 kr. staðfestingargjald sem innheimt er í heimabanka innan 3ja daga frá bókun.

Eftirstöðvar þarf að gera upp 70 dögum fyrir brottför.

Um endurgreiðslur vísast í skilmála Niko Travel Group sem finna má á heimasíðu.

Innifalið

• Flug Icelandair frá Keflavík til London, 23 kg taska og allir skattar og gjöld. 
• Flug Icelandair frá París til Keflavíkur, 23 kg taska og allir skattar og gjöld.
• Gisting í 2 nætur á Portsmouth Marriott Hotel m/morgunverði.
• Farmiði með ferju yfir Ermasund, frá Pool til Cherbourg.
• Gisting í 3 nætur á Grand Hotel Luxembourg m/morgunverði.
• Gisting í 2 nætur á M Social 4* í miðborg Parísar, m/morgunverði.
• Allur rútuakstur í Englandi og Frakklandi skv. ferðalýsingu.
• Aðgangseyrir í kafbát í Cherbourgh.
• Aðgangur að hringkvikmyndahúsi í Arromanches.
• Aðgangur að Mont-Saint-Michel eyju og safni þar.
• Aðgangur að Bayeux Tapestry safninu.
• Aðgangur að franska herminjasafninu í París.
• Íslensk fararstjórn og leiðsögn sr. Þórhalls Heimissonar.
• Aðstoð staðarleiðsögumanna í Frakklandi.
• 3 hádegisverðir í Frakklandi

Ekki innifalið:

Þjórfé

Bóka

Skilaboð með pöntun geta t.d. verið óskir um séraðgengi, tegund herbergis (t.d. aðskilin rúm), spurningar til okkar varðandi ferðina. Hér er einnig góð hugmynd að taka það fram ef ferðast er með öðrum sem hafa bókað ef áhugi er fyrir því að vera með herbergi nálægt viðkomandi.

Þegar þú hefur staðfest bókun verður
stofnaður greiðsluseðill í heimabanka fyrir staðfestingargreiðslu.

Uppselt er í þessa ferð. Hægt er að skrá sig á biðlista með því að hafa samband við okkur á niko@niko.is.

Uppselt – Biðlisti

Hægt er að skrá sig á biðlista með því að hafa samband við okkur á niko@niko.is.

Brottför

Dagar
Klst.
Mín.

Umsagnir viðskiptavina okkar

Við vinkonurnar fórum nú í lok ágúst, í Paradores ferð um Baskaland og Norður-Spán, með Kolumbus Ævintýraferðum og var þetta sannkölluð ævintýraferð og ferðaskrifstofunni til mikils sóma!! Farastjóri og skipuleggjandi ferðarinnar var Goði Sveinsson og á hann miklar þakkir skyldar fyrir frábært skipulag og einstakan fróðleik um svæðið, sem við þessi 40 manna samstillti ferðahópur urðum aðnjótandi!! Kærar þakkir frá okkur!! Við erum til í fleiri svona ferðir!!
Helga R.Höskuldsdóttir og Hjördís StefánsdóttirParadores-ferð um Norður-Spán og Baskaland
Helga R.Höskuldsdóttir og Hjördís Stefánsdóttir
Kæru ferðafélagar. Við Halli þökkum ykkur öllum fyrir samveruna í þessari dásamlegu ferð. Maturinn, gistingin, upplifunin, fararstjórnin hans Goða, skipulagið allt ofl.ofl. Við förum aftur á þessar slóðir til að upplifa enn meir. Óskum ykkur alls hins besta kæru ferðafélagar. Næsta ferð nálgast hjá okkur. Ísraelsferðin handan við hornið og auðvitað með Kolumbus.
Jenny og HalliParadores-ferð um Norður-Spán og Baskaland
Jenny og Halli
Paradores-ferðin til Baskalands í ágústlok var einstaklega vel skipulögð, um áhugaverðan hluta Spánar. Gististaðir voru tilkomumikil Paradores-hótel sem voru undantekningarlaust frábær, svo og matur og drykkir! Heimsóknir á víngarða mjög vel undirbúnar, skemmtilegar og fróðlegar. Auk Guggenheimsafnsins í Bilbao var Hotel Marqués de Riscal frábær kynning á meistara Frank Gehry! Allt þetta ásamt fleiru, ekki síst ljúfri og yfirvegaðri fararstjórn Goða, varð til þess að stemningin í hópnum varð skemmtileg og notaleg og vinabönd mynduðust.
Sigrún Benediktsdóttir og Gísli EinarssonParadores-ferð um Norður-Spán og Baskaland
Sigrún Benediktsdóttir og Gísli Einarsson
Ferðin til Argentínu og Brasilíu var eitt ævintýri frá upphafi til enda. Mikið ferðalag og mikil upplifun. Eva Peron og blóði drifin saga Argentínu. Patagonia með stærsta innanlandsjökul í heimi, Ushuaia syðsta borg í heimi, Iguazú fossarnir sem eru svo stórir og flottir að maður trúir ekki eigin augum, svo fátt eitt sé talið upp. Ferðin endaði í Rio de Janeiro með Sykurtoppinn, Kristsstyttuna og Copacabana ströndina sem má segja að hafi verið rúsínan í pylsuendanum. Allar tímasetningar stóðu eins og stafur á bók og farastjórnin var til fyrirmyndar. Hópurinn var mjög samstilltur og kynntist vel innbyrðis, reyndar svo vel að til stendur að endurtaka annað ferðalag á forvitnilegar slóðir. Við þökkum kærlega fyrir okkur.
Sigríður Þórhallsdóttir og Kristján Árnason, ReykjavíkArgentína og Brasilía 2023
Sigríður Þórhallsdóttir og Kristján Árnason, Reykjavík
Við hjónin fórum í ferð til Argentínu og Brasilíu með Kólumbus Ævintýraferðum í janúar 2023. Ferðaáætlunin var metnaðarfull með mörgum viðkomustöðum á áhugaverða staði þar sem Buenos Aires var fyrsti áfangastaðurinn í Argentínu. Þaðan var flogið suður á bóginn til El Calafate og síðan til syðstu borgar í Suður Ameríku sem heitir Ushuaia og er staðsett við Beagle sundið sem skilur að Suðurheimskautslandið og Suður-Ameríku. Þaðan var flogið aftur norður til Puerto Madryn og svo var ferðinni heitið til Puerto Iguazu til þess að upplifa hina stórfenglegu Iguazu fossa. Skoðunarferðir á hverjum áfangastað voru vel skipulagðar og staðirnir sem skoðaðir voru einstaklega áhugaverðir, allt frá áhugaverðum og fallegum borgum og bæjum til mörgæsa, sæljóna og einstakrar náttúru. Loks var ferðinni heitið til Rio de Janeiro á hina frægu Copacabana strönd þar sem Sykurfjallið og Kristsstyttan voru heimsótt. Ógleymanleg ferð í alla staði í skemmtilegum félagsskap með 25 öðrum íslendinum.
Jónas Reynisson, HafnarfirðiArgentína og Brasilía 2023
Jónas Reynisson, Hafnarfirði
Um mánaðarmótin janúar og febrúar 2023 ferðuðumst við með Kólumbus Ævintýrarferðum í tvær vikur um Argentínu og hluta Brasilíu undir traustri fararstjórn Friðriks Brekkans sem þekkir vel til í þessum löndum. Það var einstakt að kynnast stórbrotnu landslagi, sérstöku dýralífi, þjóðlífi og blómlegri menningu á þessum slóðum.
Elsa S. Þorkelsdóttir og Már Guðmundsson, ReykjavíkArgentína og Brasilía 2023
Elsa S. Þorkelsdóttir og Már Guðmundsson, Reykjavík
Að ferðast til endimarka heimsins, sigla á Beaglesundinu, heimsækja Iguazú fossana, sigla á Lago Argentino og njóta útsýnis yfir Perito Moreno jökulinn er stórkostleg upplifun. Að dvelja síðan í stórborgunum Buenos Aries og Rio de Janeiro og njóta alls sem þær hafa að bjóða er ævintýri líkast.
Ingibjörg Hauksdóttir, hjúkrunarfræðingur, GarðabæArgentína og Brasilía 2023
Ingibjörg Hauksdóttir, hjúkrunarfræðingur, Garðabæ
Í mínum huga var ferðin með Kólumbus Ævintýrarferðum til Suður Ameríku í janúar 2023 mjög skemmtileg. Mig hefur lengi langað að koma til S-Ameríku og heimsóknin til þessara landa stóðst fyllilega mínar væntingar. Skipulagning, fararstjórn, leiðsögumenn og staðarleiðsögumenn var allt til fyrirmyndar. Þeir staðir sem við heimsóttum voru vel valdir og að kynnast örlítið lifnaðarháttum þess fólks sem þarna býr fannst mér áhugavert. Fyrir mig persónulega var heimsókn til Ríó ferðarinnar virði. Þangað hef ég ætlað mér í áratugi en aldrei haft tækifæri fyrr en nú.
Pétur Óli Pétursson, framkv.stjóri, St. Pétursborg Argentína og Brasilía 2023
Pétur Óli Pétursson, framkv.stjóri, St. Pétursborg

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim. Niko Travel Group rekur vörumerkin Kolumbus – Ævintýraferðir, Kolumbus – Siglingar og Ferðaskrifstofu eldri borgara. Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita. 

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim.

Niko Travel Group rekur vörumerkin Kolumbus – Ævintýraferðir og Ferðaskrifstofu eldri borgara auk bókunarþjónustu fyrir Hótel Skt. Petri í Kaupmannahöfn.

Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita.