KOLUMBUS – ÆVINTÝRAFERÐIR PÓLLAND 19.-29. október 2026 með Ólöfu Einarsdóttur

Lúxus heilsuferð á Long Vita og 2 dagar í Gdańsk

Long-Vita-24
Long-Vita-23
Long-Vita-21
Long-Vita-19
Long-Vita-20
Long-Vita-16
Long-Vita-12
Long-Vita-06
Long-Vita-05
Long-Vita-08
Long-Vita-29
Gdansk-Poland-01
Gdansk-Poland-02
Gdansk-Poland-03
Gdansk-Poland-04
Gefðu þér hlé frá amstri hversdagsins og upplifðu 7 daga endurnýjun á Long Vita heilsuhótelinu — þar sem vellíðan, fagmennska og náttúra skapa einstaka heildarupplifun. Í lok ferðar er gist í 2 nætur í Gdańsk.

Þessi vel skipulagða hópferð sameinar næringarríkt og ljúffengt mataræði, daglega hreyfingu undir leiðsögn sérfræðinga og djúpa slökun í glæsilegri SPA aðstöðu. Hver dagur er hannaður til að styðja við líkamlega og andlega heilsu, auka orku og bæta líðan til lengri tíma.

Long Vita stendur við vatnið Bukrzyno Duże, umlukið skógi í hjarta Kashubian Landscape Park. Hér fær náttúran að gegna lykilhlutverki í upplifuninni: kyrrðin, ferskt loftið, fuglasöngurinn og landslagið skapa kjöraðstæður fyrir hvíld og endurnýjun.

Fullkomin ferð fyrir þá sem vilja hlaða batteríin, styrkja heilsuna og koma heim með nýja orku og jafnvægi.

Heimspeki Long Vita

Hjá Long Vita er vellíðan ekki skammtímaverkefni heldur langtímaferðalag. Hugmyndafræðin byggir á því að raunveruleg heilsa verði til þegar helstu þættir lífsins styðja hver annan:

Hollt mataræði er grunnur að orku, jafnvægi og bata. Hér er lögð áhersla á gæði hráefna, rétt hlutfall næringarefna og einstaklingsmiðað mataræði fremur en skyndilausnir eða öfgar.

Hreyfing á að styðja líkamann á eðlilegan og uppbyggilegan hátt. Markmiðið er ekki að ganga fram af sér heldur að efla líkamsvitund, styrk, liðleika og þol með reglubundinni og notalegri hreyfingu.

Án hvíldar nær líkami og hugur ekki að jafna sig. Þess vegna er lögð rík áhersla á kyrrð, svefn, slökun og meðferðir sem hjálpa gestum að hægja á sér og finna aftur sitt náttúrulega jafnvægi.

Náttúran er ekki bara umgjörð heldur virkur þáttur í dvölinni. Skógur, vatn, fuglalíf og kyrrð hafa róandi áhrif og styðja við bæði andlega og líkamlega endurnæringu.

Holl næring er hjartað í upplifuninni hjá Long Vita. Hún er fyrsta skrefið í átt að endurnýjun og ein mikilvægasta undirstaða langvarandi vellíðanar.

Unnið er með reyndum næringarfræðingum og matreiðslufólki að matseðlum sem sameina næringu, bragð og fallega framsetningu. Markmiðið er að maturinn næri líkamann, styðji heilsu og sé á sama tíma ánægjulegur hluti af dvölinni. Boðið er upp á mismunandi mataræðisleiðir, meðal annars:

  • hefðbundið hollt mataræði
  • grænmetisfæði
  • vegan fæði
  • glútenlaust fæði
  • laktósafrítt fæði
  • sérsniðnar lausnir vegna ofnæmis eða óþols

Mataræðið er lagað að þörfum hvers gests og hægt er að aðlaga það eftir markmiðum, líkamsástandi og lífsstíl.

Ferðatilhögun

Brottför frá Íslandi

Flogið í beinu flugi með Icelandair kl. 07:20 og lent í Gdańsk um kl. 12:55. Tímamismunur er 2 klst. Rúta bíður hópsins og ekur á hótelið. Aksturinn tekur rúma klukkustund. Eftir innritun fer fram kynning á aðstöðu hótelsins en síðan er hægt að slaka á áður en snæddur verður ­kvöldverður á veitingastað hótelsins.

Vellíðan í fallegu og friðsælu umhverfi

Einstök dvöl þar sem hver dagur er tileinkaður vellíðan, endurnýjun og jafnvægi. Á Long Vita færð þú tækifæri til að stíga út úr daglegu amstri og einbeita þér að eigin heilsu í fallegu og friðsælu umhverfi.

Dagarnir hefjast á stuttri göngu í skóginum og léttum morgunæfingum í fersku lofti við vatnið. Þeir sem vilja geta stungið sér í hressandi morgundýfu í vatnið. Æfingunum er fylgt eftir með næringarríkum og ljúffengum máltíðum sem styðja við líkamann. Yfir daginn tekur við fjölbreytt dagskrá með hreyfingu, slökun og fræðslu, þar sem sérfræðingar leiða þig í gegnum æfingar, teygjur og vellíðunar upplifun. Hægt er bóka ýmsar nudd- og snyrtimeðferðir sérstaklega, það greiðist á staðnum.

Að loknum degi bíður þín djúp slökun í SPA aðstöðu með heitum potti, sauna og róandi umhverfi sem hjálpar líkama og huga að endurhlaða sig. Einnig er boðið upp á leiddar sauna athafnir með ilmkjarnaolíum, tónlist og faglegri hitastýringu. Þetta er ein af sérstöðuupplifunum staðarins.

Í kyrrð náttúrunnar, umkringd fersku lofti og fallegu landslagi, færð þú tíma til að hægja á, endurstilla þig og safna nýrri orku — sem fylgir þér langt umfram dvölina sjálfa.

Gdańsk

Eftir morgunverð og útritun af hóteli er ekið til Gdańsk þar sem dvalið verður á Focus Hotel í hjarta borgarinnar. Hægt er að geyma farangurinn á hótelinu ef herbergi verða ekki tilbúin við komuna þangað svo farþegar geti farið og notið borgarinnar að vild. Frjáls tími það sem eftir lifir dags.

Frjáls dagur í Gdańsk

Frjáls dagur í Gdańsk þar sem hægt er að rölta um sögufræga gamla bæinn, njóta líflegs andrúmsloftsins við höfnina og upplifa einstaka blöndu af sögu, menningu og fallegum arkitektúr borgarinnar. Einnig er hægt að kíkja í fjölbreyttar verslanir fyrir þá sem þess óska.

Heimferð

Rúta ekur hópnum á flugvöllinn kl. 10:30 þar sem innritað er í flug Icelandair FI 553 með brottför kl. 12:50 og lendingu í Keflavík 15:50.

Fararstjórn, verð, greiðslur,  innifalið og bóka ferð

Ólöf Einarsdóttir
Ólöf hefur starfað sem leiðsögumaður og ferðaskipuleggjandi með erlenda ferðamenn á Íslandi síðan 1991. Hefur ferðast til margra landa vegna atvinnu sinnar og hefur mikla reynslu af því að vera með fólki bæði í starfi og lífinu almennt. Hún fór á Long Vita heilsuhótelið í fyrsta sinn 2018 og hefur farið á hverju ári síðan. Ólöfu finnst þetta nauðsynleg dvöl fyrir sig, andleg og líkamleg næring og fjárfesting í heilsunni.

Verð á mann: 295.000 kr. Aukagjald fyrir eins manns herbergi er 15.900 kr.

Greiða þarf 50.000 kr. staðfestingargjald pr. farþega við bókun sem innheimt verður í heimabanka.

Eftirstöðvar verða innheimtar allt að 70 dögum fyrir brottför með greiðslutengli sem sendur er í tölvupósti.

Að öðru leyti og um endurgreiðslur gilda ferðaskilmálar Niko Travel Group sem nálgast má á heimasíðu ferðaskrifstofunnar.

• Beint flug með Icelandair fram og til baka, innrituð 23 kg taska, 1 handfarangurstaska
• Allar rútuferðir
• Hótelgisting í 8 nætur á Long Vita með fullu fæði
• Aðgangur að daglegri hreyfi- og vellíðunardagskrá meðan á dvöl stendur
• Aðgangur að SPA svæði hótelsins alla daga
• Sauna gusa leidd af reyndum pólskum gusumeisturum
• Hótelgisting í 2 nætur á Focus Hotel í Gdańsk ásamt morgunverði
• Íslensk fararstjórn

Hótelin sem við dveljumst á

Long Vita ★★★★★
Long-Vita-01
Long-Vita-02
Long-Vita-03
Long-Vita-04
Long-Vita-05
Long-Vita-06
Long-Vita-07
Long-Vita-08
Long-Vita-09
Long-Vita-10
Long-Vita-11
Long-Vita-12
Long-Vita-13
Long-Vita-14
Long-Vita-15
Long-Vita-16
Long-Vita-17
Long-Vita-18
Long-Vita-19
Long-Vita-20
Long-Vita-21
Long-Vita-22
Long-Vita-23
Long-Vita-24
Long-Vita-25
Long-Vita-26
Long-Vita-27
Long-Vita-29
Long-Vita-30
Focus Hotel Gdańsk ★★★★
Focus-Hotel-01
Focus-Hotel-06
Focus-Hotel-07
Focus-Hotel-08
Focus-Hotel-02
Focus-Hotel-09
Focus-Hotel-10
Focus-Hotel-03
Focus-Hotel-05

Brottför

Dagar
Klst.
Mín.

Umsagnir viðskiptavina okkar

Við vinkonurnar fórum nú í lok ágúst, í Paradores ferð um Baskaland og Norður-Spán, með Kolumbus Ævintýraferðum og var þetta sannkölluð ævintýraferð og ferðaskrifstofunni til mikils sóma!! Farastjóri og skipuleggjandi ferðarinnar var Goði Sveinsson og á hann miklar þakkir skyldar fyrir frábært skipulag og einstakan fróðleik um svæðið, sem við þessi 40 manna samstillti ferðahópur urðum aðnjótandi!! Kærar þakkir frá okkur!! Við erum til í fleiri svona ferðir!!
Helga R.Höskuldsdóttir og Hjördís StefánsdóttirParadores-ferð um Norður-Spán og Baskaland
Helga R.Höskuldsdóttir og Hjördís Stefánsdóttir
Kæru ferðafélagar. Við Halli þökkum ykkur öllum fyrir samveruna í þessari dásamlegu ferð. Maturinn, gistingin, upplifunin, fararstjórnin hans Goða, skipulagið allt ofl.ofl. Við förum aftur á þessar slóðir til að upplifa enn meir. Óskum ykkur alls hins besta kæru ferðafélagar. Næsta ferð nálgast hjá okkur. Ísraelsferðin handan við hornið og auðvitað með Kolumbus.
Jenny og HalliParadores-ferð um Norður-Spán og Baskaland
Jenny og Halli
Paradores-ferðin til Baskalands í ágústlok var einstaklega vel skipulögð, um áhugaverðan hluta Spánar. Gististaðir voru tilkomumikil Paradores-hótel sem voru undantekningarlaust frábær, svo og matur og drykkir! Heimsóknir á víngarða mjög vel undirbúnar, skemmtilegar og fróðlegar. Auk Guggenheimsafnsins í Bilbao var Hotel Marqués de Riscal frábær kynning á meistara Frank Gehry! Allt þetta ásamt fleiru, ekki síst ljúfri og yfirvegaðri fararstjórn Goða, varð til þess að stemningin í hópnum varð skemmtileg og notaleg og vinabönd mynduðust.
Sigrún Benediktsdóttir og Gísli EinarssonParadores-ferð um Norður-Spán og Baskaland
Sigrún Benediktsdóttir og Gísli Einarsson
Ferðin til Argentínu og Brasilíu var eitt ævintýri frá upphafi til enda. Mikið ferðalag og mikil upplifun. Eva Peron og blóði drifin saga Argentínu. Patagonia með stærsta innanlandsjökul í heimi, Ushuaia syðsta borg í heimi, Iguazú fossarnir sem eru svo stórir og flottir að maður trúir ekki eigin augum, svo fátt eitt sé talið upp. Ferðin endaði í Rio de Janeiro með Sykurtoppinn, Kristsstyttuna og Copacabana ströndina sem má segja að hafi verið rúsínan í pylsuendanum. Allar tímasetningar stóðu eins og stafur á bók og farastjórnin var til fyrirmyndar. Hópurinn var mjög samstilltur og kynntist vel innbyrðis, reyndar svo vel að til stendur að endurtaka annað ferðalag á forvitnilegar slóðir. Við þökkum kærlega fyrir okkur.
Sigríður Þórhallsdóttir og Kristján Árnason, ReykjavíkArgentína og Brasilía
Sigríður Þórhallsdóttir og Kristján Árnason, Reykjavík
Við hjónin fórum í ferð til Argentínu og Brasilíu með Kólumbus – Ævintýraferðum. Ferðaáætlunin var metnaðarfull með mörgum viðkomustöðum á áhugaverða staði þar sem Buenos Aires var fyrsti áfangastaðurinn í Argentínu. Þaðan var flogið suður á bóginn til El Calafate og síðan til syðstu borgar í Suður Ameríku sem heitir Ushuaia og er staðsett við Beagle sundið sem skilur að Suðurheimskautslandið og Suður-Ameríku. Þaðan var flogið aftur norður til Puerto Madryn og svo var ferðinni heitið til Puerto Iguazu til þess að upplifa hina stórfenglegu Iguazu fossa. Skoðunarferðir á hverjum áfangastað voru vel skipulagðar og staðirnir sem skoðaðir voru einstaklega áhugaverðir, allt frá áhugaverðum og fallegum borgum og bæjum til mörgæsa, sæljóna og einstakrar náttúru. Loks var ferðinni heitið til Rio de Janeiro á hina frægu Copacabana strönd þar sem Sykurfjallið og Kristsstyttan voru heimsótt. Ógleymanleg ferð í alla staði í skemmtilegum félagsskap með 25 öðrum íslendinum.
Jónas Reynisson, HafnarfirðiArgentína og Brasilía
Jónas Reynisson, Hafnarfirði
Við ferðuðumst við með Kólumbus – Ævintýrarferðum í tvær vikur um Argentínu og hluta Brasilíu undir traustri fararstjórn Friðriks Brekkans sem þekkir vel til í þessum löndum. Það var einstakt að kynnast stórbrotnu landslagi, sérstöku dýralífi, þjóðlífi og blómlegri menningu á þessum slóðum.
Elsa S. Þorkelsdóttir og Már Guðmundsson, ReykjavíkArgentína og Brasilía
Elsa S. Þorkelsdóttir og Már Guðmundsson, Reykjavík
Að ferðast til endimarka heimsins, sigla á Beaglesundinu, heimsækja Iguazú fossana, sigla á Lago Argentino og njóta útsýnis yfir Perito Moreno jökulinn er stórkostleg upplifun. Að dvelja síðan í stórborgunum Buenos Aries og Rio de Janeiro og njóta alls sem þær hafa að bjóða er ævintýri líkast.
Ingibjörg Hauksdóttir, hjúkrunarfræðingur, GarðabæArgentína og Brasilía
Ingibjörg Hauksdóttir, hjúkrunarfræðingur, Garðabæ
Í mínum huga var ferðin með Kólumbus Ævintýrarferðum til Suður Ameríku í janúar mjög skemmtileg. Mig hefur lengi langað að koma til S-Ameríku og heimsóknin til þessara landa stóðst fyllilega mínar væntingar. Skipulagning, fararstjórn, leiðsögumenn og staðarleiðsögumenn var allt til fyrirmyndar. Þeir staðir sem við heimsóttum voru vel valdir og að kynnast örlítið lifnaðarháttum þess fólks sem þarna býr fannst mér áhugavert. Fyrir mig persónulega var heimsókn til Ríó ferðarinnar virði. Þangað hef ég ætlað mér í áratugi en aldrei haft tækifæri fyrr en nú.
Pétur Óli Pétursson, framkv.stjóri, St. Pétursborg Argentína og Brasilía
Pétur Óli Pétursson, framkv.stjóri, St. Pétursborg
Frábær ferð. Skipulag allt til fyrirmyndar. Borgin sjálf var einhvern veginn miklu meira en ég gerði mér grein fyrir fyrir fram. Leiðsögn Þórhalls átti svo aukinn þátt í upplifuninni af borginni og þeim sögustöðum sem voru heimsóttir. Hæfileg blanda skipulagðs tíma og frjáls tíma.
Ingólfur Ásgeir JóhannessonSöguferð til Rómar
Hæfileg blanda skipulags og frjáls tíma. Góð og fræðandi leiðsögn um sögu staði borgarinnar.
Ragnheiður AxelsdóttirSöguferð til Rómar
Frábært skipulag, frábær og örugg fararstjórn Inga Þórs. Víetnamskir fararstjórar fræðandi og gáfu mjög góða lýsingu á landi og þjóð. Sannkölluð ævintýraferð og frábær hópur. Kærar þakkir fyrir mig.
Marinó Björgvin BjörnssonVíetnam í mars
Stórkostleg,mikil upplifun, frábær fararstjórn,góð hótel, allt stóð eins og stafur á bók. Takk fyrir okkur.
Kristinn SigurðssonJapan í mars
Ógleymaleg ferð og allt stóðst væntingar. Svo sannarlega hægt að mæla með 🥰
Sigríður GunnarsdóttirArgentína, Brasilía og Chile
Öll ferðin var eitt stórkostlegt ævintýri. Annars um fólkið og ferðina: Við höfnum hér tauti og tuði og taumlausu ekkisins suði. Við étum og étum eins og við getum og erum í krónísku stuði.
Ragnar Heiðar ÓskarssonVíetnam í mars
Einstök upplifun, og mögnuð ferð, með einstaklega fróðum fararstjóra.
Henný GestsdóttirArgentína, Brasilía og Chile
Við hjónin fórum í Duoro siglingu með Kolumbus ævintýraferðum í maímánuði 2025. Skemmst er frá að segja að ferðin var í alla staði stórkostleg og fór fram úr okkar væntingum sem þó voru miklar. Skipið okkar var einstaklega „vinalegt“ og allt viðmót áhafnar til fyrirmyndar. Það var ljúft að líða áfram á Duoro ánni og virða fyrir sér fagurt landslag. Einnig voru þær skoðunarferðir sem boðið var upp á bæði fróðlegar og skemmtilegar. Öll skipulagning ferðarinnar og framkvæmd var til fyrirmyndar og allt stóð eins og stafur á bók. Ég mun hiklaust mæla með þessari ferð við hvern þann sem vill njóta þess að ferðast á þægilegan máta, í góðu veðri á förgum stað og drekka góð vín.
AlexanderPortúgal – Sigling á Douro

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim. Niko Travel Group rekur vörumerkin Kolumbus – Ævintýraferðir, Kolumbus – Siglingar og Ferðaskrifstofu eldri borgara. Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita. 

Niko Travel Group er alhliða ferðaskrifstofa sem býður viðskiptavinum sínum fjölbreyttar ferðalausnir víða um heim.

Niko Travel Group rekur vörumerkin Kolumbus – Ævintýraferðir og Ferðaskrifstofu eldri borgara auk bókunarþjónustu fyrir Hótel Skt. Petri í Kaupmannahöfn.

Við leggjum áherslu á spennandi áfangastaði sem eftirsóknarvert er að heimsækja og auk þess vel skipulagðar ferðir fyrir eldri borgara. Við þjónustum einnig sérhópa sem til okkar leita.